Category Archives: Артикль-влак

Йочам аралыме тӱнямбал кечым палемдымаш Йошкар-Олаште веле огыл, моло кундемыштат рӱжге эртен.

Теве кодшо рушарнян Угарман областьысе Тонкин район, Оштамоц (Старые Краи) ялыште «Ший оҥгыр» марий эстраде муро кундем-влак кокласе VI фестиваль-конкурс лийын. Тышке Угарман областьысе районла гыч веле огыл, Киров областьысе Кикнур район да Марий Элысе Шернур, Оршанке районла гычат ӱдыр-рвезе-влак миеныт. Читать далее →

1 июньышто, Йочам аралыме тӱнямбал кечын, Марий тӱвыра рӱдер Йошкар-Олаште республикысе йочасадлашке коштшо икшыве-влаклан, чынжымак, моткоч сай пайремым эртарыш. Тиде пайрем тыгак «Пеледше тукым» фестиваль-конкурслан 20 ий теммылан пӧлеклалтын.

Иктаж 13 шагат лишне Ленин площадьыш ик автобус почеш весе толаш тӱҥальыч, тушеч весела, шыргыжше чуриян йоча-влак шке воспитательышт дене пырля ик тӱшкашке чумыргышт. Читать далее →

Киров вел Малмыж кундемысе марий талешке Полтыш князьын лӱмжӧ дене кылден, ты пайремым кодшо курымын индешлуымшо ийлаштыже палемдаш тӱҥалынна. Таклан огыл эше 1917 ийыште эртыше Икымше марий погыныштак марий калыкын талешкыже-влакым шарныме кечым эртараш темлымаш лийын.

Юмылан тау, кодшо ийын Полтыш онлан тудын шочмо да илыме кундемыштыже, Полтыш курыкышто, Читать далее →

Ыштышаш паша нерген

IX Марий калык погынлан доклад

Поро кече, поро марий калык!
Шергакан да шотеш пыштен сайлыме делегат ден пагалыме уна-влак!
Пагалыме Леонид Игоревич!

Таче ме, чумыр марий тӱня калык дене каҥашен, марий калыкнан 9-ше погынышкыжо чумыргенна.

Марий калыкнан рӱдӧ олашкыже, марий кундемысе лӱмлыеҥ-влак деч посна, тора корным ончыде, марий тӱня верч чон йӱлен, Урал, Чолман, Пошкырт, Виче, Угарман, Татарстан да моло кундемла гыч поро, вучымо уна-влак толыныт. Читать далее →

Кок тылзе наре жап Йошкар-Олаште «Усталык памаш» калык творчество фестиваль залыш шуко калыкым погыш. Республика гыч кум тӱжем наре коллектив, сценыш лектын, шке мастарлыкше дене палдарыш. Нуно моткоч тӱрлӧ лийыныт, ойыртемалтыныт район-влак тичмаш налмаштат. А кодшо шуматкечын фестиваль иктешлалте. Эн ойыртемалтшыже-влак лауреат лӱм да пӧлек дене палемдалтыныт. Читать далее →

«Марий дискотекыште тыгай чон кумыл озалана… Тыште айдемын кажне клеткыже кушта…» — тыгай ой йоҥгалте ӱмаште «Россий радион» эфирыштыже, Маргарита Лянген передачыштыже. Тыгай шӱлыш ынде ятыр ий Йошкар-Оласе Дим.Орай лӱмеш уремыште верланыше «Автодор» клубыштат озалана. Тыште Марий тӱвыра рӱдер верланен. Тудын пашаеҥже-влак икшыве-влаклан марий пайремым, идалык мучко толын шогышо калык йӱлам ончыктышо программым, «Марий касым», Марий дискотекым эртарат. Садланак рӱдер ятыр марий айдемылан чоным лывыртыме, муро-куштымаш гоч марий улмым шижме верыш савырнен. Читать далее →

«Марий Эл» газетын пашаеҥже Гурий Лаврентьев деч у «Марий орфографий мутер» шотышто интервьюм налын. MariUver Гурий Ивановичын ойлымыж дене огеш келше гынат, ойжым савыкташ пунчалын.

— Ойлат, чын возымо марий мутер лектын. Марий йылме наука пашаеҥ-влакын шонымашыштым палыме шуэш: тиде мутер шотышто нуно мом ойлат? Кеч южыжо ӱмбачын шымлен шуктеныт дыр… Читать далее →

Вислава Шимборская (тенгеок Вислава Шымборска, поляк поэтесса, 2-шы июль 1923-шы и – 01-шӹ февраль 2012-шы и.) 1996-шы ин сӹлнӹшая Нобель премин лауреатшы.

1931-шӹ и годшен Краковышты ӹлен, кышты школым пӹтӓрен. 1945 – 1948-шӹ ивлӓ лошты Ягеллон университетӹштӹ поляк сӹлнӹшая дон социологим тыменьӹн, но пӹтӓрӹде. Читать далее →