Полтышын кундемыштыже семинар-практикум эрта

Киров вел Малмыж кундемысе марий талешке Полтыш князьын лӱмжӧ дене кылден, ты пайремым кодшо курымын индешлуымшо ийлаштыже палемдаш тӱҥалынна. Таклан огыл эше 1917 ийыште эртыше Икымше марий погыныштак марий калыкын талешкыже-влакым шарныме кечым эртараш темлымаш лийын.

Юмылан тау, кодшо ийын Полтыш онлан тудын шочмо да илыме кундемыштыже, Полтыш курыкышто, марий мер толкын еҥ-влакын тыршымышт дене чап кӱм почын кертме. Тышке кугу надырым В.Колумб лӱмеш рӱдер-тоштер пыштен. Тудын вуйлатышыже да йырже чумыргышо еҥ-влакын тыршымышт дене рӱдерлан Малмыж ола воктенсе талешкын кийыме курыкышто 1,5 гектар мландым ойыреныт. Малмыж район вуйлатыше-влак дене ик ойыш шумеке, тушто «Полтыш курык – Болтушина гора» историй да этнографий комплексым ышташ палемдыме.

Кызытеш тушто чап кӱ гына уло, но марий-влак шке оныштлан вуйым саваш кажне ийын коштыт. Марий талешке кече вашеш В.Колумб лӱмеш рӱдер-тоштерын, «Марий ушем» мер ушемын да «ВийАр» самырык-влакын организацийыштын еҥже-влак Малмыжыш каеныт. Тушто нуно «Юл ден Урал кундем коклаште. Курымла гоч толшо» семинар-практикумым эртарат.

Уржум районысо марий-влак денат вашлиймаш палемдалтын. Тӱҥ шонымашыштымат шуктат: историй да этнографий комплексым ыштыме дене кылдалтше йодыш-влакым шотыш кондат, Полтыш онлан чап кӱ воктенсе кумдыкым эрыктат, пеледышым шынден кодат.

Талешке кечын моло чолга марийвлакым чумырышо да шке почеш наҥгайыше ончылъеҥна-влакымат шарналтыде ок лий. Киров велнак Чумбылат, Акпатыр, Урса, Яшман, Оршанка велне Мамич Бердей, Волжск кундемыште Чоткар, Звениговышто Пашкан, Угарманыште Ош Пондаш, Курык марийыште Акпарс шарнымашым коденыт, а мыняржым эше рашемдаш кӱлеш. Но нуно чыланат шке жапыштыже марий калыкна верч чот шогеныт, шке вӱрыштым, илышыштым пуэныт.

Чап лийже тыланда! Тиде пайрем кечын нунылан шогалтыме памятник але чапкӱ-влак воктеке пеледыш аршаш возеш, пайремле мероприятий-влак эртат.

Светлана Носова

Налмывер: «Марий Эл» газет

1 комментарий

Filed under Артикль-влак

One response to “Полтышын кундемыштыже семинар-практикум эрта

  1. Аноним

    Тиде сомылым ыштен шогышылан моткоч кугу таум ойлымо шуэш. Шке историйын чапшым пропагандироватлыме пеш поро да кӱлешан паша. Марий газет-влакат пытартыш жапыште мыйым изиш ӧрыктарат. Ондак, Кугарням ончал лекмеке, кузе ме чыланат кече толын сайын илена манын веле лудаш лиеш ыле гын, но 20-шо апрельыште лекше номерыште Киров кундемысе икмыняр район-влакым Марий Элыш ушымо нерген референдумым эртараш кӱлмӧ нерген лудымат, ӧрым. Сай вашталтыш, и шонаш таратыше статья-влак лудшо чотым ешарат манын, ӱшанем.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s