Лаврентьев у орфографий мутерыш тӧрлатымашым пурташ темла

«Марий Эл» газетын пашаеҥже Гурий Лаврентьев деч у «Марий орфографий мутер» шотышто интервьюм налын. MariUver Гурий Ивановичын ойлымыж дене огеш келше гынат, ойжым савыкташ пунчалын.

— Ойлат, чын возымо марий мутер лектын. Марий йылме наука пашаеҥ-влакын шонымашыштым палыме шуэш: тиде мутер шотышто нуно мом ойлат? Кеч южыжо ӱмбачын шымлен шуктеныт дыр…

Тиде йодышлан филологий наука доктор Гурий Иванович Лаврентьев тыге вашештыш:

— Ӱмбачын огыл, кӱлын, келгын, чыла могырым тудым шымлен лектынам. Ты мутерыш ой-каҥашем шотыш налын, икмыняр вашталтышым пуртымо, но тӱҥжылан 1992 ийысымак кодымо. Икмыняр примерым веле ончыктем. Даме, дате, даче, догмо, домно, думо возаш темлыме. 1992 ийысе мутерыште, мутлан, аптек, анкет, антилоп, глюкоз, гипотез, гипотенуз, гипербол, тундра, алгебра, кафедра, медицина серыме, 2011 ийысыште гын — аптеке, анкете, антилопо, глюкозо, гипотенузо, гиперболо, тундр, алгебр, кафедр, медицине. Аптека вуйлатыше-влак вывескыштышт ончычсо аптек олмеш аптеке возышаш улыт, ужат. Икманаш, чыла тиде кугу томашам – тумам – тарватен кертеш.

Сложный мут возымо шотышто икмыняр сай вашталтыш шинчамлан перныш, но омак умыло, кузе кӱвароҥа, мардежвакш, чывыговаште, конгааҥ, курыкпомыш да путырак шуко мутым сложныйлан шотлаш лиеш? Чараголя, шайыкшинча да мол омут молан пырля возалтыныт? Веет нуно йорло, незер да меран значениян фразеологий единица улыт…

Иктешлен, тыге веле каласашем кодеш: ӱшанле научный базеш энертыде ыштыме паша пешыжак оку мо, адакше вашке паша важык кая. Мыйын шонымаште, мутерыш, жапым шуйкалыде, тӧрлатымашым пуртыман. Кузе тидым ышташ. РМЭ-н правительствыже пеленсе йылме комиссий шоналтышаш.

Налмывер: «Марий Эл» газет

3 комментария

Filed under Артикль-влак

3 responses to “Лаврентьев у орфографий мутерыш тӧрлатымашым пурташ темла

  1. Аноним

    Лаврентьев гаяк вес ӱскырт К-лан кӧра марий-шамыч лу ий утла ӱчашен кийышт. Юмылан тау, К-ым комиссий гыч кораҥдышт да у «Марий чынвозыш мутер» лектын шуктыш. Ынде Гаврилов тумам тарватынеже да адак марий-влакым яра ӱчашен кияш, вийым арам пытараш шурен шога. Сита ӱчашаш! У мутерыште вашталтышым тунемын, илышыш пуртыман. Ок лий нимучашдымын вес йылме гыч мутым вашталтыде кӱсынлаш да пурташ, йылме шке чурийжым йомдара.

  2. Аноним

    Гурий Иванович чыным ойла.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s