Эстонийысе Hiite Maja («Шнуй ото пӧрт») лӱмын ыштыме пундо пӱртӱс кумалтыш вер-влаклан пӧлеклалтше 2027 ийлан пырдыж кечышотым луктын. Тудо лудшо-влакым Эстоний ден Финляндийысе шнуй верла да калык йӱла дене палдара.
Верысе акрет годсо ийшот почеш толшаш ий 10240-ше семын палемдалтын.
Савыктышым Hiite kuvavõistlus шнуй пӱртӱс вер-влакын тӱнямбал фотоконкурсыштын участникше-влакын пашашт дене сӧрастарыме. Лаштыклаште кок элын палыме пӱртӱс сылне верыштым, нунын коклаште Пранди памашым, Таэваскода курыкоҥым, Тамме-Лаури тумым да Суомисе Коли тӱвакам ончыктымо.
Вес ийын родо-тукым калык-влакын фотоконкурсышт колымшо гана эрта.
Календарьыш калык пайрем-влакым, тылзе-влакын ожнысо лӱмыштым да йӱлаш пурышо рунан календарьым пуртымо. Текст-влакым савыкташ калык тӱвырам шымлыше Ахто Каазик ямдылен, а графикан сылнештарымашым Мана Каазик ыштен.
Печатлыме савыктыш Эстонийысе книга кевытлашке пурен шуктен, увертара Hiite Maja.
MariUver
Фото: Hiite Maja
лӱмын ыштыме пундо – целевой фонд,
кечышот – календарь,
курыкоҥ – утёс,
тӱвака – сопка,
рунан календарь – рунический календарь,
графикан сылнештарымаш – графический оформлений
