Шыжа тызын 10-шо кечынже, шуматкечын, Раквере олаште Родо-тукым калык-влакын кечышт кышкарыште Калык музык кугу концерт эрта. Тушто марий сем-влакат йоҥгаш тӱҥалыт.
Мероприятий Ukuaru сылнысем пӧртын камерле залыштыже лиеш. Кас 17 шагатлан тӱҥалеш да индеш шагатат пеле марте шуйна.
Сценыш тӱрлӧ финн-угор фольклор мурызо да куштышо, тыгак верысе коллектив-влак лектыт. Калык Таллинн гыч коми Lolav! группын выступленийжым, одо «Юмшан гур» ансамбль ден удмурт-эстон Ar-God дуэтым, тыгак венгр Tokaj FolkLab ансамбльым ужеш.
Шке программыштым тыгак марий-эстон дуэт мурызо Анна Макеев ден кӱслезе Кристи Мӱхлиҥг, финн-угор Kännu Peal Käbi ансамбль («Пундыш ӱмбалне пӱгыльмӧ»), эстон куштышо Tarvanpää ансамбль да Kadrina варналтше хор ончыктат.
Касын волгыдо да видео дене сӧрастарымашым Kota Tones гыч Нолан Томас ямдылен. Концерт «Эстонийын тӱвыра капиталже» пундын да Родо-тукым калык-влакын программыштын полшымышт дене эрта.
Hõimupäevade pärimusmuusika kontsert
MariUver
шыжа тылзе – октябрь,
сылнысем пӧрт – музык пӧрт,
камерле зал – камерный зал,
пундо – фонд
