Эстон Кугыжаныш Погын – Рийгикогу вӱргечын, 2 сентябрьыште, юстицийын канцлерже Ӱлле Мадизем йӱклымашын икымше турыштыжо Эстонийын у президентшылан сайлен. Шолып йӱклымаш жапыште тудын кандидатурыжым 71 депутат поддержатлен, кӱлын 68 йӱк.
Чылаже 89 регистрироватлалтше гыч 78 парламентарий йӱклымашке ушнен. Шым бюллетень темалтде кодын, чын огыл бланкым комиссий палемден огыл.
Оппозиций деч депутат-влак кокла гыч икмынярже бюллетеньым налаш тореш лийын але черетдыме заседанийыш йӧршын толын огыл.
Мадизен кандидатурыжым коалиций да оппозиций тӱшка деч 75 депутат темлен. Образованийже дене тудо юрист, ондак президентын каҥашеҥжылан ыштен, а 2015 ий гыч права канцлер лийын.
У кугыжаныш вуйлатыше парламентыште присягым пуымо деч вара пайремлын 12 октябрьыште должностьыш шогалеш.
MariUver
Фото: Рийгикогу
MariUver 