Тоштер-влакын пӱтыньэстонийысе йӱдышт ага тылзын 16-шо кечынже «Йӱдын йӱкшӧ уло» девиз дене эрта. Vestervalli 17a адрес дене верланыше MotoNurk мотомузей 12:00 гыч 21:00 шагат марте шкеж деке унала ӱжеш. Программыште экспозиций мучко яра экскурсий-влакым да тошто арвер да кидпаша кугу ярмиҥгам эртараш палемдыме.
Рӱдӧ событий семын «Финн-угор орава» сылнысеман тӱвыра программе лиеш. Тудо калык-влакын тошто йӱлаштым тоштер йӱд теме дене уша. Уна-влак чын калык муро-влакым колын да йӱлаш пурышо куштымаш-влакым ужын кертыт.
Участник-влак да мастар-класс-влак
Пайремыш одо «Ошмес» тувыра ушемын ансамбльже да Maaväči еш водь коллектив ушнат. Шке мастарлыкыштым тыгак Tuuleluule ден «Супрядки» фольклор ансамбль-влак ончыктат. Программе уло ешлан интерактивле модыш ден шинчымаш мастар-класс-влакым авалта.
Мероприятий Нарва олан да Эстонийысе калык тӱвыра рӱдерын полшымышт дене эртаралтеш. «Финн-угор орава» проект верысе инициативе программе дене келшышын илышыш шыҥдаралтеш. Тиде кумдан палыме тоштерын пырдыж коклаштыже илыше историйыш да тӱвырашке шуҥгалташ пеш сай йӧн.
MariUver
Фото: MotoNurk тоштер
MariUver 