Эстон калык тоштер (ЭКТ) 19 майыште «Йӱдвел чодыран калыкше – Финн-угор сонар йолгорно» ончерым почеш. Экспозиций Финляндийын Рийхимӓки оласе Сонар музейыштыже ончыкталтеш. Тудо толшо-влакым финн-угор калык-влакын йӱлашт да нунын чодыра тӱням умылымашышт дене палдара.
Ончер шонымашыж дене «Уралын йӱксавышыже» ЭКТ-ын палыме эре улшо дене кылдалтын. У проект чумыр тӱвыра кумдыкым чодыра, сонар да экологий тӱняумылымаш гоч почын пуа. Тоштер директор Лаура Кипперын мутшо почеш, тиде тӱнямбал вашкылым пеҥгыдемдымаште да финн-угор тӱвыра югыпогым кумдан шарымаште кугу ошкыл.
Проектын шонымашыже сонар курымла дене тӱп калык-влакын йӱла илыш радамыштын ужашыже лийын манмашеш негызлалтын. Тидын годымак таче тиде теме обществыште шуко ваштарешле шонымашым луктеш. Эртарыше-влак акрет годсо сонарлыме пашам таче кечысе пӱртӱсым аралыме да экологийым аралыме йодыш дене кылдат.
Экспозицийым Финляндийысе Сонар тоштер дене пырля ыштыме да 2026 ий 20 май гыч 2027 ий 28 февраль марте ужаш лиеш. Ончерын кураторжо-влак ЭКТ-ын шанче пашаеҥже-влак Светлана Карм ден Пирет Кооза улыт. Проектын консультантше семын Тарту Университетын профессоржо Арт Леэте лийын, воза ERR эстонла.
MariUver
MariUver 