Теле тылзын 9-ше кечынже Берлиныште Европысо кинопремийым пуэденыт. «Эн сай чынилыш фильм» номинацийыште «Шем мончан акак-шӱжаракше» (Savvusanna sõsarad) эстон кино сеҥен.
Фильмын режиссёржо Анна Хинтс улеш.
Номинант да сеҥыше-влакым Европысо киноакадемий ойырен. Тушко 4600 йыжеҥ пура.
Европысо киноакадемий — тиде европысо кинематографист-влакын ассоциацийышт. Тудым 1988 ийыште негызлыме. Академий Европысо кинопремийым 24 номинацийыште пуа. Тиде европысо фильм-влаклан эн кӱкшӱ суаптар. Тудым вес семынже эше «Европысо Оскар» маныт, воза ERR рушла.
The New York Times газет 2023 ийысе лу эн сай кино лӱмерыште эстон фильмым шымше верыш шынден.
MariUver
Фото: apollokino.ee
чынилыш — документальный
йыжеҥ — член
суаптар — награде
лӱмер — списке
MariUver 