Тый улат мыланем ныжыл йӱр

Мутшо Алевтина Сенькован, семже Сергей Маковын «Тый улат мыланем ныжыл йӱр». Василий Павлов мура.

Тый улат мыланем ныжыл йӱр,
Шыве-шыве лыжган кутырет.
Ончалам ӱмбакет — шолеш вӱр,
Ик мутетым колам да ырем.
Ончалам ӱмбакет — шолеш вӱр,
Ик мутетым колам да ырем.

Тый улат ныжыл йӱр мыланем,
Йӱрлак вачыш ӱпетше велеш.
О, кузе тыланет куанем,
Пеленет пуйто шошо толеш.
О, кузе тыланет куанем,
Пеленет пуйто шошо толеш.

Ныжыл йӱр мыланем тый улат,
Муро шӱлыш коеш шинчаштет.
Тунемам шоныметым палаш,
Тунемнем мый лияш пеленет.
Тунемам шоныметым палаш,
Тунемнем мый лияш пеленет.

Видео: Марий Эл КТРК

Мутым налмывер: wikisource.org