Историй шанче кандидат Никандр Семёнович Попов «Марий Эл ончылно надырлан» орденын медальже дене палемдалтын, воза «Сурт-пече» газет.
Никандр Попов 1950 ий 12 февральыште Параньга район Памашъялыште шочын. Кызыт — Йылмым, сылнымутым да историйым шанчын шымлыше (ЙСИШШМарИ) Валериан Васильев лӱмеш Марий институтын кугурак шанче пашаеҥже.
Ынде 40 ий утла марий да финн-угор калык-влакын историй ден тӱвыраштым, этнографийыштым шымла. Шке жапыштыже марий юмыйӱлам, кундемыштына кристиан тыным кузе шыҥдаралтмым шымлыме пашаланат кугу верым ойырен. Этнографий экспедицийлам чӱчкыдын эртара, республикысе, Российысе да тӱнямбал проектлашке эреак ушна.
Тудо 260 наре шанче, публицистике да тунемме-методике пашам савыктен. ЙСИШШМарИ-н коллектившын лукмо да «Идалыкын книгаже» семын палемдалтше «Марийцы. Историко-этнографические очерки» книган ик авторжо семын палыме.
Никандр Семёнович марий мер илышыштат эре чолга. Шке жапыштыже «Марий ушем» организацийым вуйлатен. Кызыт тудо марий мер толкынлан вияҥаш полшышо эксперт семын акым да каҥашым пуэн кертеш.
21 янвярь 2021 ий «Сурт-пече» газетын уверже негызеш
MariUver
Снимкыште: Никандр Попов да медаль
MariUver 