Марий артист-влак Пошкырт кундемыш каят

Славик Асмаев, Эрик Юзыкайн —
шӱмбел Пошкырт кундемлан

Марий кундемын сӱретше-влакЯков Эшпай лӱмеш Марий кугыжаныш филармонийын уста артистше-влак 7-8 июньышто Пошкырт кундемыште уна лийыт. Мурышо да куштышо «Марий Эл» ансамбль, «Марий кундем» калык семӱзгар оркестр, Алексей Искандаров лӱмеш Марий кугыжаныш капелле пошкырт-влакын Сабантуй пайремыштым сылнештараш тӱҥалыт.

7 июньышто Калтаса районын Сабантуйыштыжо марий муро ден тӱрлӧ калык-влакын куштымашыштым ончыктат. Ты кечынак Красный холмышто «Марий кундемын сӱретше-влак» спектакльым ончыктат. Владимир Климовын проектше почеш шындыме спектакльым Йошкар-Олаште илыше-влак март тылзыште кугу куан дене вашлийыныт. Ынде эрвел кундемыштат тидым ончыкташ корно почылтын.

Эрлашыжым, 8 июньышто, артист-влак Арланыште каят. Тыштат нуным Сабантуй пайрем вуча.

Славик Асмаев

Славик Асмаев

— Пошкырт мландысе черетан вашлиймаш — тиде Йошкар-Олаште илыше эрвелмарий-влакын шочмо мландылан, Калтаса районлан таумутышт, — ойла филармоний вуйлатыше Эрик Алексеевич Юзыкайн. — Ме ятырынже Пошкырт мландыште шочынна, тыште кушкынна, вийым налынна, а илышна Марий Элыште эрта. Мутлан, Россий Федерацийын сулло артистше, «Марий Эл» ансамбльын сылнешке вуйлатышыже, балетмейстер Славик Михайлович Асмаев — Бахтыбай ялын эргыже. 29 июньышто ме тудын 60 ияш чапле лӱмгечыжым пайремлаш тӱҥалына. Тидын лӱмеш ме шочмо мланде, шочмо калык нерген «Марий кундемын сӱретше-влак» сылне спектакльым ончыктена.

Эрик Юзыкайн

Эрик Юзыкайн

Тыште Эрик Алексеевич нергенат палемден кодыман. Тудо — кумдан палыме журналист-педагог Алексей Юзыкайнын эргыже. Ондак ятыр ий Марий Эл тӱвыра, печать да калыклык паша шотышто министерствын калык-влак кокласе пашам виктарыше пӧлкажым вуйлатен. Шочмо йылме, тӱвыра, юмынйӱла, мер ушемласе тӱрлӧ проект-влакым илышыш шыҥдарымаште чолгалыкым ончыктен. Тений гыч Марий кугыжаныш филармонийым вуйлаташ ӱшаненыт. Таче тудын вуйжо утларак у концерт программым, спектакль-влакым сценышке лукмо нерген шона, артист-влакын илыш йӧныштым улаҥдаш тырша. Марий Элысе кучем Эрик Алексеевичын у пашашке куснымыжым марий искусствышто у ошкыл-влак дене кылда.

Кеҥежым, августышто, Марий кугыжаныш филармонийын артистше-влак гастроль дене Испанийыш каят. Шыжым, октябрь тылзыште, угыч Пошкырт кундемыш толыт. Тунам нуно Ӱпӧ оласе «Башкир куштымаш» фестивальыште шке усталыкыштым ончыктат да эрвел марий-влак деке кугу гастроль дене лектыт. Тидлан нуно тачак ямдылалташ тӱҥалыныт.

Марий кундемын сӱретше-влак

Зоя Глушкова

Снимкыште:

«Марий кундемын сӱретше-влак» спектакль гыч сцене да афише
Мурышо да куштышо «Марий Эл» ансамбльын вуйлатышыже Славик Асмаев
Маргосфилармонийын у вуйлатышыже Эрик Юзыкайн


Оставьте комментарий

Filed under Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

w

Connecting to %s