Марий калыкын арняш вич гана лекше «Марий Эл» газет у вот лаштыкым темла. Марий увер-влакым ынде gazetamariel.ru сайтыште лудын кертыда.
Тыгак редакцийын пашаеҥжым сайтыште ончалаш да серышым возаш лиеш. Кажне материал йымак шке шонымашдам возен, йодышда-влакым серен кертыда.
Тидын годымак, «Марий Эл» газетышке шке увердам колтынеда гын, серышым 424006, Марий Эл Республик, Йошкар Ола, СССР Воружённый Вийын 70-ше идалыкше лӱмеш урем, 20-шо №-ан пӧрт, тел/факс (+7-8362) 412 371, 451 119, 423 71, e-mail mari_el@mari-el.ru дене, кылым кучен кертыда.
Кызыт подписке тургым эрта. Подписчик-влак коклаште лотерей модалтеш. Шуко пӧлек уло. Тидын годымак «Марий Эл» газетлан электрон подпискым ышташ лиеш. Подписчик-влак газетым савыктен лукмо кечынак шкеныштын электронный (E-mail) адресышкышт газетын PDF формат дене электронный версийжым налын кертыт. 2014 ий кокымшо пелийлан 300 теҥгем тӱлыман (ик тылзылан — 50 теҥге). Тидланже +7 — 905 008 28 25 (Билайн) номерыш оксам пыштыман да pektanmariel@mail.ru адресыш але палемдыме телефоныш кӧ, кунам да мыняр оксам пыштымым возен колтыман.
Подписке индекс: 73927, 52710.
Пурыза да ончыза «Марий Эл» газетын у вот лаштыкшым лудса, аклыза, каҥашыза.
Налмывер: Кидшер
MariUver 
Юмылан тау изиш шотан вот-лаштыкым ыштеныт. Уке гын тошто сайда верч марий калыкем верч Интернетыште намыс ыле. Тошто лаштыкым ончен тыгай шонымаш шочеш ыле: «Вара марий-влак тынарак аҥыра да шотдымо улыт мо?».
А кузерак тыланда http://kidsher.ru/ сайт?!
Кидшер — сай 🙂 «Марий Эл» ала-молан ий денак марий шрифт да йӱкпале-влакым шотшо дене вот лаштыкыштыже возен моштен огыл. Кодшо курымысо шке ыштыме шрифт-влакым кучылтын. Такшым кызыт Юникод шрифт-влакым кучылт возаш чыла йӧн ышталтын.
Тау! 🙂 Нунын тоштемше марий шрифт кая… Кызыт уэмденыт ала мо…
Да, кызыт уэмденытгай коеш, кеч ынде чын марла возат…