Марий тӱвыра рӱдер 28 октябрьыште «Ешыштем поро йӱла» II Республикысе фестиваль-конкурсыш пагален ӱжеш.
Фестивальышке Марий Эл Республикысе районла гыч марий еш-влак толыт. Нуно марий йӱла пайремым ончыктат, кидпаша дене ӧрыктарат, тутло марий кочкыш дене сийлат да сылне марий муро да куштымаш дене куандарат.
Еш мастарлыкым опытан жюри акла, шергакан пӧлекым кучыкта.
Пайрем кас Автодор тӱвыра полатыште 16 шагатлан тӱҥалеш.
Фестиваль Марий Эл Республикысе тӱвыра, печать да калык-влакын пашашт шотышто министерстве да калык илышкыл аралыме да пашалык шотышто министерстве полшымо дене эртаралтеш.
Марий тӱвыра рӱдер
