Марий Эл республикысе Марий юмыйӱла ушем марий калыкым 30 октябрьыште тӱня кумалтышке пагален ӱжеш.
Тений тӱня кумалтыш Кужэҥер район Тумъюмучаш ял отышто да Шернур район Купсола отышто лийыт.
Икымше гана отышко каяш кумылан-влаклан шижтарена: марий вургемым чийыза, мелна кышылым але киндым ямдылыза, сортам да оксам пеленда налза. Тӱня кумалтыш 5 тулолмо дене эрта. Кайыквусым намийыше-влакым кумалтышышке ондакрак мияш кӱштена.
Марий тӱвыра рӱдер
КАЕНА, ТУГЕ ШОЛ!