Monthly Archives: Сентябрь 2011

«Марий Эл ТВ»-н «Семалан» передачыже Светлана Осипован йоҥгалтарыме «Аваем» муро нерген каласкала. Мутшым Мардан Рая возен, семжым Иван Егоров келыштарен.

Видео налмывер: video.vmariel.ru

Кажне кушкыжмын 19 шагатлан Марий Эл республикысе самырык-влакын усталык полатышт, «Югорнӧ» мер организаций ден пырля, марий дискотекым эртара.

Вес арнян касым Марий Элын сулло артисткыже Светлана Дмитриева, Олык Ипай лӱмеш кугыжаныш премийын лауреатше Влад Николаев сӧрастраш тӱҥалыт. Читать далее →

“Ик тымык ОТО уло мемнан элыште…” — возен Сергей Чавайн. Марла сералтше икымше «Ото» почеламутлан шӱдӧ ият эртен. Курым утларак жапыште шуко вашталтыш лийын да ынде отыжымат палаш неле, ержат шукертак йомын. Памашыже веле тугак шыргыктен йога да отын ончычсо моторлыкшым ушештара — 1988 ийыште Сергей Чавайнын шочмыжлан шӱдӧ ий темме лӱмеш кугу пайрем эртен. Читать далее →

Ужалымаш да технологий коледжын «Унавий» тунемме унагудыжо марий сынан улеш. Тидын нерген «Марий Эл ТВ»-н сюжетше гыч пален налаш лиеш:

Видео налмывер: video.vmariel.ru

Чапланыше марий композитор, «Акпатыр» икымше марий оперын авторжо Эрик Сапаевлан 2 сентябрьыште У Торъял посёлкышто памятник-бюстым почмо.

Ий-влак эртат, а айдеме нерген шарнымаш курымешлан кодеш. Марий семлызе Э.Сапаевын шочмыжлан шушаш ийын 80 ий темеш.

Тиде лӱмгечым сайын вашлияш манын, виктер кӱкшытыштак паша шукталтеш. Тений Э.Сапаев лӱмеш опер да балет театрыште «Акпатыр» оперын премьерыже лийын. Шушаш ийым Э.Сапаевын идалыкше семын увертараш палемдыме. А ынде теве эше ик кугу паша ышталте. Читать далее →

Марий Эл Республикысе рӱдӧ юмыйӱла ушем марий калыкым кумалтышышке ӱжеш:

9 октябрьыште Куженер районысо Лопсола отышто, Мари-Турекыште мер кумалтыш-влак эртат.

16 октябрьыште Оршанке районысо Отар ял ден У Торъял районысо Тошто Торъял ял отылаште мер кумалтыш. Читать далее →