«Юмынӱдыр-влак» книга да календарь дене палыме лийыт

29 январьыште «Саскавий» марий ӱдырамаш ушем черетан погынымашым эртара. Тудо кок ий жапыште ыштен шогымо пашам иктешлымашлан пӧлеклалтеш. Ушем вуйлатыше Галина Ширяева, у вуйверым сайлен, у паша планым пеҥгыдемдаш темла.

Паша погынымаш деч вара Марий ӱдырамаш-влак «Ош Юмын ӱдырышт-влак» книга да «Юмынӱдыр» календарь дене палыме лийыт.

“Ош Юмын ÿдырышт-влак. Марий ÿдырамаш модернизаций корнышто” (Valkoisen Jumalan tyttäret. Marilainen nainen ja modernisaatio) книга ӱмаште Финляндийыште савыкталтын.

Морко район Унчо кундемысе ÿдрамаш-влак нерген шымлымаш книгам кумдан палыме финн этнограф Илдико Лехтинен (Ildikó Lehtinen) ямдылен. Тиде паша нерген авторын Марий Элысе йолташыже, историй наука кандидат Тамара Молотова ойлаш тӱҥалеш.

А «Юмынӱдыр» календарь нерген мемнан сайт ончыч рушла возенна ыле. 2010 — 2011 ийлам авалтыше, «Юмынӱдыр» миф негызеш чоҥымо календарьым Сергей Михайловын чумырымо автор, модель-влак дене пырля ямдылыме. Кумда тӱняумылымашым авалтыше, тачысе самырык еҥым калык ойпого поянлык деке шӱмаҥдыше календарь нерген проектын авторжо шке ойлаш тӱҥалеш.

Погынымаш Марий Эл тӱвыра, печать да калык-влакын пашашт шотышто министерствын конференц-залыштыже (Коммунистический урем, 34) 17 шагатлан тӱҥалеш.

«Юмынÿдыр» кечышотын моло лаштыкшым тыште ужаш лиеш >>

«Юмынӱдыр» календарь нерген «Марий Эл ТВ»-н видеосюжетше:

Зоя Дудинан Mari-el.name-ште возымыж негызеш
MariUver

Фотосÿретлаште: «Ош Юмын ӱдырышт-влак» книган комжо (кугемдашлан темдал);
«Юмынӱдыр» календарь гыч ик лаштык

5 комментариев

Filed under Видео, Увер-влак

5 responses to “«Юмынӱдыр-влак» книга да календарь дене палыме лийыт

  1. Аноним

    Молан 300 экз. веле лектын. Ончалаш да шергалаш кумылан-влакше кушто тиде савыктышым муын сена?

    • Видеосюжетыште «Юмынÿдыр» кечышотын тиражше 2000 ман каласыме, тудым Йошкар-Оласе книга да сувенир кевытлаште налаш лиеш ман палемдыме. Книган тиражшым ома пале, финн-влак книгаштышт тиражым огыт возо.

  2. ПешСай

    А тиде Юмынӱдын календариште йоҥылыш-влак улыт.

    Январь тылзе марлаже Шорыкйол тылзе лийшаш(а тушто Чатлама возымо)
    Июль марлаже Сӱрем тылзе (Шырка огыл)
    Ноябрь марла Кылме (Кӱсӧ огыл)
    Декабрь — Теле тылзе (Шорыкйол огыл)

    Да туге эше икымше лаштыкым савырныза, да кушто шуко текст возымо лудса. Тушто марий текстыште ик текстын ужашыже кок гана возымо — тигай опечатке.

    Тигай календарь дене Вирджиния студия намысыш пурыш гына. Марий йылмым тудо огыт пале.

  3. Аноним

    Мыят налмемлан окынышым…Лучо Таныгинын лукмо календарьжым 100 экз.налам ыле.

  4. А кушто Таныгинын календарьым(кечышотшым) налаш лиеш?

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s