Monthly Archives: Январь 2010

Марий театр Озаҥыште уналатен

М.Шкетан лÿмеш театрын артист-шамычше Озаҥысе Авиастроитель районысо Ленин лӱмеш тÿвыра полатыште «Шешке-шемгишке» комедийым модын ончыктеныт. Татарстан марий-влак спектакльым ончаш рӱжге погыненыт.

Тиде вашлиймашын эртарен колташ полшышо-влак кокла гыч иктыже, Сар-историй академийын еҥ-корреспондентше Р.Бушков каласыш: Читать далее

Оставьте комментарий

Filed under Увер-влак

«Юмынӱдыр-влак» книга да календарь дене палыме лийыт

29 январьыште «Саскавий» марий ӱдырамаш ушем черетан погынымашым эртара. Тудо кок ий жапыште ыштен шогымо пашам иктешлымашлан пӧлеклалтеш. Ушем вуйлатыше Галина Ширяева, у вуйверым сайлен, у паша планым пеҥгыдемдаш темла.

Паша погынымаш деч вара Марий ӱдырамаш-влак «Ош Юмын ӱдырышт-влак» книга да «Юмынӱдыр» календарь дене палыме лийыт.

“Ош Юмын ÿдырышт-влак. Марий ÿдырамаш модернизаций корнышто” (Valkoisen Jumalan tyttäret. Marilainen nainen ja modernisaatio) книга ӱмаште Финляндийыште савыкталтын. Читать далее

5 комментариев

Filed under Видео, Увер-влак

Эрвелмарий эстрадыште Сергей Зайнитдиновым эн чот йöратат

Ий мучаш лишемме годым «Эрвелмарий эстрадын муро тошкалтышыже» йÿклымашым увертаренна ыле. Тиде толкыныш ушнышо чолга йолташна-влаклан таум каласена, нунын чулымлыкышт кумылнам савырыш.

Икымше кечынак, шокшо саламда дене шÿм-чоннам ырыктен, sms серышда-влак толаш тÿҥальыч. Йыҥгыртыше-влакат шагал огыл ыльыч, эсогыл Екатеринбург ден Ижевск гычат лудшына-влак чоныштлан келшыше мурызышт дене палымым ышташ вашкышт. Читать далее

Оставьте комментарий

Filed under Видео, Увер-влак

Марий-влакым ик чумыркаш ушаш лиеш мо?

MariUver сайтым эре эскерем, лудам мом середа, куанем кунам ужам шоҥго чонлан келшыше комментарийым. Южгынам шыдешкемат, кунам утыж дене торжа мутым кучылтыда. Чыла тидым шотыш налын, мый тендан деке лектам тыгай темлымаш дене.

Ме шке марий йылмым, руш манмыла, «рабочий» йылме семын чыла вере огына кучылт гын, вара кузе «рабочий инструментын» качествыжым саемдаш? Читать далее

1 комментарий

Filed under Артикль-влак

Родо-тукым программе финн-угор проект-влаклан оксам ойырен

29 декабрьыште Эстонийысе Родо-тукым калык-влак программын Каҥашыже финн-угор проект-влаклан оксам ойыраш пунчалын.

Шийвундым чылаже 18 тÿрлö кÿлешан пашалан ойырымо. Нунын коклаште марий проект-влакат улыт.

Мутлан, Таллинн марий ушем гоч 68 902 кроным 10 томан марий мутерын электрон версийжым ыштыме пашам умбакыже шуяш ойыралтын. Ушештарена, проектын икымше этапшыланат программе оксам пуэн. Читать далее

1 комментарий

Filed under Увер-влак

Санкт-Петербург марий-влак идалыкым пайдалын эртареныт

2009-ше ий мучашке лишемеш. Ме, Санкт-Петербург марий-влак, тудым поро шомак дене гына ужатена — вет тиде ий мыланна арам ыш эрте.

Мемнан марий землячествына моло калык-влакын ушемышт дене пырля мер пашашкат, спорт таҥасымашкат чолган ушныш. Теве 17 октябрьыште Санкт-Петербургысо Национальность-влак пöрт Лиговский проспектеш верланыше Кинде музейыште «Шуко национальностян олан киндыже» программа кышкарыште Марий кочкыш выставкым эртарыш. Уна-влак мемнан калыкын ямдылен намийыме подкогыльым, пÿктышым, мелнам, коман мелнам да мÿй пÿрым уло кумылын тамлышт. Мучашлан ямле тальянка семымат йоҥгалтарышна. Читать далее

Оставьте комментарий

Filed under Артикль-влак