Речкин Йӱдвел гыч Йошкар-Олаш концертым ончыкташ толеш (ВИДЕО)

12 апрельыште Йошкар-Олан Ленин лӱмеш тӱвыра полатыштыже мурызо Александр Речкинын концертше лиеш.

А.Речкин Куженер кундемыште 1980 ийыште шочын да изиж годсек муро деке шӱмаҥын. Тудын ача-аважат тӱвыра аланыште тыршат.

Александр Культур да сымыктыш колледжыште музык шинчымашыжым келгемден, «Полярная Звезда» группын солистше лийын.

А икмыняр ий гыч шкетын марий муро-влакым йоҥгалтараш тӱҥалын. «Марий Эл Радиошто» тудын мурымо «Ныжыл лыве», «Ӱдыр ден рвезе», «Ойлат вучаш» мурыжо-влак шуко еҥын чонжым савырен.

Кызыт Речкин Нижневартовскышто ила да пашам ышта, Марий Элыш лӱмынак концертым ончыкташ толеш, воза Mari-el.name.

Александр Речкин да тудын ешыж нерген «Марий Эл ТВ»-н видеокаласкалымашыже:

MariUver