MariUver

Марий Эл радиом ыштымылан 6 ий темме лӱмеш 30 июльышто Йошкар-Олаште кугу концерт эртаралте.

Тиде ынде поро йӱлашке савырнен шуын, сандене тушко калык кажне ийын утларак да утларак погына. Тидым шотыш налынак, концертым тений «Дружба» стадионышто (снимкыште) эртарышт. Ӱмаште «Строительыш» 5 тӱжем еҥым веле пуртенытат, ончаш мийыше кокла гыч чыланжак логал кертын огытыл. Но теният сӱрет тыгаяк лийын – ятырыштлан мӧҥгеш савырнен каяшышт пернен, молан манаш гын стадион кугу гынат, 6 тӱжем еҥым веле пуртеныт. Читать далее →

Кеҥеж покшелне Калтаса селаште

Кодшо шуматкечын Калтасаште “Кандырам пунен куштымаш” фестиваль-таҥасымашке республикысе 7 районышто илыше марий-влакын 13 коллективышт чумырген ыле: Благовещенск районысо Изяк ял гыч, Балтач район гыч кавырга-влак, Янаул районын коллектившым Тумна, Тошто Оръя, У Оръя, Шуадымучаш ялласе калык гыч чумыреныт, Бурай район марий-влакын куштымашыштым Кугу Шÿкшан ялысе-влак конденыт, мишкан-влакын койышыштым сценыште ончыкташ Пÿнчер марий-влаклан ÿшаненыт, Калтаса район гыч Калмиямучаш, Калмаш, Ӱлыл Качмаш да Ӱлыл Тыхтем ден Келтейын пырля чумырымо коллективышт (чылаже нылыт), Краснокам район гыч Корий, Музек, Арлан, Пÿрнÿш ялысе куштызо-влак шке мастарлыкыштым ончыктеныт. Жюрим Уфа ола гыч хореограф-балетмейстер, БР тӱвыран сулло пашаеҥже Г. В. Анищенко вуйлатен. Читать далее →

Кузе шке Тукым пушеҥгым ышташ, тидын нерген «Марий Эл ТВ» каласкала:

Видео налмывер: video.vmariel.ru

Марий Элын Серызе ушмже Мария Илибаеван произведенийжым Кугыжаныш премийлан темлен.

М.Илибаеван «Кугу тӱня – шыгыр тӱня» книгаже, – 50 ий утла жапым авалтыше кумда философиян роман-тетралогий. Действий-влак утларакше Пошкырт ден Марий кундемлаште эртат. Читать далее →

Оршанке районысо Кугунур школын тунемшыже-влак Марина Садова ден Людмила Помогаева республикысе телевиденийын «Ийын мурыжо» йоча эстраде кокымшо конкурсыштыжо сеҥеныт ыле. Шукерте огыл нуно Болгарий гыч у сеҥымаш дене пӧртылыныт. Дуэт «Изи шӱдыр-влак шӧртнӧ ошмаште» тунямбал поп да рок муро конкурсышто 3-шо степенян дипломым налыныт. Шошым ӱдыр-влак Санкт-Петербургышто «Шӱдыр-влак деке корно» Читать далее →

Кеч-могай кандырам рончен ончалаш гын, коеш — тудо икмыняр йогын гыч шога. Марий калыкын «кандыра» куштымашыжымат калык йÿла, йылме, культура да койыш гыч тÿрлö йогын семын чоҥымо. Тылеч посна куштымашым уста гармоньчо калыкнан эн йöратыме да лишыл марий семже дене сöрастара. Гармоньчын усталыкше ден инструментшын качествыже, иктыш ушнен, куштышо-влакым у тÿняужмашыш луктыт, юзо вий семын чылаштымат авалтат да куштымаш пöрдемыш «вÿден наҥгаят». Читать далее →

Икымше гана тудо 2009 ийыште Морко районысо Октябрьский посёлкышто эртен, кокымшо слётым Советский районысо Ушнур школ вашлийын. А кызыт Российысе марий самырык тукымын кумшо слётшо Курык марий районысо Эмансолаште эрта. Кундемнан кажне районжо да марий-влакын тӱшкан илыме Пошкырт, Одо, Татарстан республикыла, Виче, Угарман, Свердлов область, Моско да Санкт-Петербург гыч 120 удыр-рвезе погынен. Читать далее →

Мер Каҥашын 30 июньышто эртыше заседанийыштыже Россий Федерацийысе Кугыжаныш Думышко сайлышаш еҥ-влакым регионысо спискыш пуртымо нерген йодышым ончымо.

Мер Каҥаш председательын алмаштышыже Юрий Русанов увертарен: «Ик Россий» партийын регионысо политкаҥашыже Лариса Яковлевам шке спискышкыже темлен. Тиде темлымашым Мер Каҥаш сайлан шотлен. Читать далее →

Европо Ушемын полшымыж дене 10 марий термонологий мутер ямдылалтын. Тидын нерген «Марий Эл ТВ» каласкала:

Видео: video.vmariel.ru