2025 ийысе Пеледыш пайремын программыжым ончыза

27–28-ше июньышто марий калыкна Йошкар-Олаште Пеледыш пайремым палемда. Кунам, кушто мо лиеш ӱлнӧ ончыза. Айо радамым «Кугарня» газет гыч налме.

27 июнь, кугарня

ТӰВЫРА ДА КАНЫМЕ РӰДӦ ПАРК (ПОЧМО ЭСТРАДЕ АЛАН)

18.00 Марий кас – вашлиймаш кас. «Марий кеҥеж» урем фестиваль кышкарыште «Йыр куштымаш» калык куштымаш фестиваль. Иктешлымаш.

20.30 «ШАБЛИЙ» киностудийын проектше-влакын презентацийже.

28 июнь, шуматкече

ПӰНЧЕРЫСЕ ТУМЕР АЛАН

9.00 Агавайрем кумалтыш.

ВЛАДИМИР ЛЕНИН ЛӰМЕШ КУМДЫК

10.00 «Унам вашлийына» концерт программе.

11.00 Таҥошкылмаш.

МАРИЙ ПАРК (ЛЕНИН ПРОСПЕКТ, 15, ПАРКЫШ ПУРЫМО РӰДӦ ВЕР)

11.30 Пайремысе уна-влакым вашлиймаш.

ПЕЛЕДЫШ ПАЙРЕМ ГОДЫМ

Фотограф-туныктызо Иван Речкин дене пырля «Пеледыш пайрем – самырык сӱретче ден фотографын шинчашт дене» этно-пленэр – фотосӱретче И. Речкинын 70 ияш лӱмгечыжлан пӧлеклалтеш.

МАРИЙ ПАРК (ЙЫРГЕШКЕ СЦЕНЕ)

12.00 Пеледыш пайремым пайремлын почмаш. «Йоҥгалт, чаплане, Пеледыш пайрем!» пайрем концерт.

13.00 «Сеҥымашын кӱслеже» пайрем концерт.

13.50 «Ик еш дене» калык усталык фестиваль. Марий Элысе да марий-влакын тӱшкан илыме верласе саскале коллектив-влакын концертышт.

17.00 Конкурс, фестиваль, кудо-влакым иктешлымаш.

17.15 «Арт-Мари: Рвезылык. Усталык. Акыл» регион-влак кокласе самырыктукым саскале фестиваль.

19.00 ЭтноКас (концерт/дискотеке).

МАРИЙ ПАРК (РАЙОН-ВЛАКЫН АЛЛЕЙЫШТ)

10.00 «Кудо – еш аралтыш» кудо фестиваль. «Пеледше кундем!» пеледыш фестиваль.

10.00 ТУЙ изыгумдыкын пашаже: тӱрлӧ модыш, вашлиймаш.

10.00 Сылнымут унагудо: Марий книга савыктыш дене 100 ий пырля.

13.00 «Модыш алан» йоча модыш изыгумдык.

14.00 Этноспорт фестиваль.

ТАЗАЛЫК АЛЛЕЙ

10.00 «Мастар кид» ярмиҥга изыгумдык. Марий Элысе этнобренд, туризм маршрут фестиваль. «Марий тӱрын моторлыкшо» калык вургем фестиваль.

Эртарат:

• Марий Эл Республикысе Тӱвыра, печать да калык-влакын пашашт шотышто министерстве,
• Республикысе калык усталык да культур каныш шотышто шанче-методике рӱдер,
• Йошкар-Ола округын администрацийже,
• Мер каҥаш.

MariUver

кумдык – площадь,
таҥошкылмаш – шествие,
туныктызо – наставник,
пайремлын – торжественно,
саскале – творческий,
ТУЙ (тӱшка увер йӧн) – СМИ,
самырыктукым – молодежный,
изыгумдык (изи + кумдык) – площадке