Марий Элыште 7–13 июльышто Звенигово олаште Россий кӱкшытан XVII Марий самырыктукым слёт эрташ тӱҥалеш. Тушко 18–35 ияш чолга марий ӱдыр-рвезе-влак ушнен кертыт.
Слётын тӱҥ шонымашыже – марий самырык-влак коклаште ончыко вӱден каен кертше чолга еҥ-влакым кушташ, мер илышыш ушаш.
Слётым эртарымашке Марий Элын Тӱвыра, савыктыш да калык-влакын пашашт шотышто министерствыже, Самырык-влак политике комитет, Марий мер каҥаш, «Социал инициативе рӱдер» да «Эр вий» мер организаций-влак ушненыт.
Участник лияш шонышо-влак 20 июнь марте mer-kanash@mail.ru электрон адресыш анкетым колтышаш улыт, воза «Сурт-пече» газет.
MariUver
MariUver 