«Кӱсото-влак 2025» 18-ше тӱнямбал фотоӱчашымаш тӱҥалын, тушко Эстонийысе да моло элласе пӱртӱс шнуй вер-влак гыч фото ден кӱчык видеоролик-влакым налыт. Конкурс финн-угор калык-влакын поянлыкыштлан пӧлеклалтын да эстон, финн да руш йылмыла дене эртаралтеш, увертара «Кӱсото-влак пӧрт» лӱмын ыштыме тӧнеж – SA Hiite Maja.
Фотоконкурсын тӱҥ призше 1000 евро, финн-угор калык-влакын призышт – 300 евро, Финляндийын призше – 300 евро, а 16 ий деч изирак-влакын призышт – 200 евро. Тылеч посна Вырумаа, Вирумаа, Харьюмаа да моло кундемла деч посна приз-влакым ыштыме.
Кӱсото пӱртӱсым, тыгак нунын дене кылдалтше айдеме пашан сай да уда могыржым сӱретлен ончыкташ кӱлеш. Конкурсын цельже – акрет годсо шнуй вер-влакын тӱвыра да пӱртӱс поянлыкыштым войзен кодаш да аклаш, еҥ-влакым нунын дене палыме лияш да нуным аралаш кумылаҥдаш.
Историй пӱртӱс шнуй вер – тиде чодыра, пушеҥге, кӱ, вӱд шинчыме вер, мландӱмбал сын але мемнан кугезына-влакын шнуйлан шотлымо кундемышт. Суатле вер-влак коклаште тыгак тошто тойымо йӱла дене кылдалтше ыресан пушеҥге-влак, сер тӱрысӧ ял-влакын кусарыме кугыгӱшт, чиян кӱ да паремме вер-влак улыт. Шуко акрет годсо шнуй верым кызытат кучылтыт.
Рашрак уверым, конкурсын да фото-влакым пуртен шындыме радамым ӱчашымашын лаштыкыштыже www.hiis.ee/kuva/ru/2025 муыда, Saarte Hääl газет воза.
Рушла Telegram-ыште лудса /
По-русски читайте в Telegram:
https://t.me/mariuver/712
MariUver
вӱд шинчыме вер – водоём;
мландӱмбал сын – рельеф формо;
шнуй, суатле – святой;
кусарыме кугыгӱ – руш. заносной / эрратический валун, але вес семынже ий нальык дене кусарыме кугыгӱ – занесённый ледником валун;
чиян кӱ – самоцвет
MariUver 