Эстонийын Нарва олаштыже ӱярня тылзын 1-ше да 2-шо кечылаштыже Финн-угор тӱнян 2025 ийысе культур рӱдолажым пайремлын почыныт. Тушто Таллинн да Финляндий гыч марий-влакат лийыныт.
11 шагатлан пайремыш толшо калык Ингрий пӧртыш чумырген. Тушто калык сий дене чайым йӱын кертыныт.
12 шагатыште Нарва рӱдӧ книгагудышто «Финн-угор калык-влакын йылмышт дене Юмын Книга» ончер почылтын.
13 ш. Ингрий пӧрт деч Нарва ратуша полат деке пайремле таҥошкылмаш эртен, тушто икымше Марий Эл президент жапысе тистат лойген.
Видео:
Фотосӱрет-влак:
14 ш. Нарва Ратушыште уна-влакым олан мэрже Катри Райк вучен. Тушто финн-угор тӱвыра рӱдола лӱмым да тудын символжым, Цирк кайыкым, пайремлын пуымаш эртен. Вара уна-влакым верысе кучем могырч пайрем вашлиймаш вучен.
16 ш. Тарту университетын Нарва колледжыштыже калык музык концерт эртен.
Тушто Анна Макеев марий мурымат шергылтарен.
Икымше кече Нарва Эстон пӧртыштӧ кас вашлиймаш дене мучашлалтын.
Рушарнян 2-шо мартыште 11 ш. Нарва Александр тӱҥчеркыште финн-угор йылмыла дене концертан Юмылан кумалмаш эртен.
Вара черкын башньыштыже верланыше Ингрий тоштерыш экскурсий вучен.
Кечывал кочкыш деч вара Ингрий пӧртыштӧ водь да ижор калыкын Ӱярняштым — Cihlagoo да Liugupäevä — палемденыт.
Тыге Финн-угор калык-влакын 2025 ийысе тӱвыра рӱдолаштым пайремлын почыныт. Нарвам ий мучко родо-тукым калыкна дене кылдалтше шуко мероприятий вуча.
MariUver
Фотосӱрет-влак: Анна Макеев, Муш Нади, Айвар Руукель, Нарва Ратуша, Нарва рӱдӧ книгагудо да молат Facebook мервотышто, «Северное побережье» газет
MariUver 