Теле тылзын 5-ше кечынже Марий Элыште да моло вереат «Марла чын возена» тӱнямбал кӱкшытан акций эртен. Эстон марий-влак тыгай мероприятийым изиш варарак эртарат.
Марий тиште кечым пайремлыме радамыште латикымше гана «Марла чын возена» Россий кӱкшытан диктант эртен, увертара Марий Эл КТРК.
Йошкар-Олаште диктантым кок вере возеныт: МарКУ-н Калыкле тӱвыра да тӱвыра-влак кокласе кыл институтыштыжо да Сергей Чавайн лӱмеш калыкле книгагудышто.
Акцийыш тыгак республикын тӱрлӧ районлаж да Российын марий-влакын тӱшкан илыме верлаж гыч ушненыт.
Эстон марий-влакат ушнат
Родо-тукым элыштына илыше марий-влак диктантым возаш Тартушто улшо Эстон калык тоштерыш погынат. Теле тылзын 9-ше кечынже 14 шагатлан Валя Семенова музейыште экскурсийым эртара.
15:30 гыч марий диктантым серат, да вара чайым йӱын пырля кутырен шинчат. Диктантым возымо годым Валя йоча-влак дене жапым эртара, увертара Анна Макеев.
MariUver
MariUver 
Уведомление: И в Эстонии стремятся писать по-марийски правильно | MariUver