Шырка тылзын 7-14 кечылаштыже Сӱрем арня палемдалтеш, увертара «Кугарня» газет.
Ожно марий-влак, шешке шудым солаш полшаш тӱҥалеш манын шонен, сӱаным Сӱрем деч вара ыштеныт. Тунам ты пайрем деч ончыч шудым солен огытыл. Ондак Сӱремым кум кече пайремленыт – кеҥежым шудым ыштыме деч ончыч.
Морко район Унчо велне «Шовырым кудалтыме» йӱлам шуктеныт. Оръеҥын шудым солымо годым кудаш пыштыме шовыржым ломбышко кудалтеныт. Тушеч налын пуышылан оръеҥ пӧлекым ыштен.
Сӱрем кумалтыш – пеш кӱлешан йӱла радам. Кажне ийын тудо 12 шыркаште Морко районысо Унчо села воктенысе отышто лиеш. Тушко тиде кундемыште илыше да республикысе тӱрлӧ район гыч Пӱртӱс юмылан ӱшаныше-влак погынат. Тыгак Унчо велын йӱла ойыртемже дене палыме лияш йотэл гычат шукын толын каеныт.
Тылеч посна Сӱрем кумалтыш-влак Волжск районышто, Киров кундемысе Малмыж районышто эртаралтыт, воза «Кугарня» газет.
MariUver
Фото: пайрем годым сӱрем пучым пуалтареныт
MariUver 