Марий форум увер шарыме йӧным каҥашен

6_Bkls5V8uo

Кодшо шуматкечын Йошкар-Олаште Марий мер каҥашын черетан Марий форумжо эртен. Тудо «Мер пашам виктарымаште ТУЙ дене кыл да увер технологийым кучылтмаш» темылан пӧлеклалтын ыле. Сандене форумыш мер еҥ-влак дене пырля марий ТУЙ-ласе журналистике аланыште тыршыше-шамычат шукын погыненыт.

МЭТР ТВ-ын видеосюжетше:

Пошкрыт, Татарстан, Угарман кундемла гычат лийыныт. Мероприятийыш паша шотышто ваш тӱкнымӧ вес алан гыч специалист-влакым ӱжмӧ.

Форумым Оньыжа Эдуард Александров вӱден. Тудым почмаште Марий Эл правительстве председательын икымше алмаштышыже Михаил Васютин, тӱвыра, савыктыш да калык паша шотышто министр Константин Иванов, Российысе марий-влакын калыкле-тӱвыра автономийыштым вуйлатыше Лариса Яковлева да молат лийыныт.

Тӱҥ докладым Мер каҥашын еҥже, «ТУЙ да увер технологий» комиссийым вуйлатыше, «Марий Эл» газетын тӱҥ редакторжын алмаштышыже Светлана Пехметова ыштен. Тудо шочмо калыкнам сотемдарымаште да вияҥдымаште ТУЙ-влакын верышт нерген ойлен. Иктешлымыж почеш, таче Российыште 50 утла финн-угор изданий савыкталтеш. Эн шукыжо марий, удмурт да коми йылмыла дене. Марлаже – 16.

Марий Элыште гына республик кӱкшытан марла ныл газет лектеш: «Марий Эл», «Кугарня», «Ямде лий» да «Йäмды ли». Тыгак «Ончыко», «У сем», рушла-марла савыкталтше «Кече-Солнышко» да «Марийский мир — Марий Сандалык» журнал-влак улыт. Нуно Марий Элын бюджетше кӱшеш савыкталтыт. Эше 1 газетым – «Сурт-печым» 2001 ий гыч «Марий Эл» газет редакций луктеш. Тылеч посна районлаште 3 марий газет: «Морко мланде», «Шернур вел», «Жерӓ», 6 районысо газетыште тылзылан але арнялан 1-2 гана 1-2 лаштык дене луктыт.

Пошкырт велне 3 марий газет уло: республик кӱкшытан «Чолман», район кӱкшытан «Келшымаш» ден «Калтаса Ӱжара», воза «Марий Эл» газет.

MariUver

Фото: «Марий Эл» газет

ТУЙ — тӱшка увер йӧн, рушла СМИ — средства массовой информации

Оставьте комментарий

Filed under Видео, Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s