Олыкмарий йылме гоч курыкмарла умылаш тунемына

Kuryk_mari_EngПагалыме йолташ, коллеге, лудшо да тунемше-влак, кызыт ме тений ош тӱням ужшаш ныл материал кокла гыч кокымшыжым савыктен луктына. 400 лаштыкан «Reading Hill Mari through Meadow Mari» («Олыкмарий йылме гоч курыкмарла умылаш тунемына») книга олыкмарий йылмым (tk.mari-language.com вот-лаштыкыштына вераҥдыме тӱрлӧ материаллаште ончыктен пуымо эн кумдан кучылталтше марий литератур нормым) палыше студент ден шымлызе-влакым марий йылмын кокымшо, курыкмарий, литератур нормыж дене палдара. Курыкмарий йылме, тудын дене 10% деч шагалрак марий еҥ веле кутыра гынат, тӱвыра да сылнымут аланыште кумдан кучылталтеш.

kuryk.mari-language.com

Тиде савыктышым возымашке йылмылончыш дене тичмаш справочникым але курыкмарла тӱҥалтыш гычак тунемше-влаклан радамле книгам ямдылыме шонымаш дене огыл пижынна. Материалыште кок марий литератур нормын фонологий ден морфологий ужашыштым таҥастарен ончыктенна. Кок нормо кокласе системле ойыртемлам шотыш налын, пайдаланыше-влак олыкмарий йылме дене шинчымашыштым курыкмарий текст-влакым умылымаште кучылт кертыт.

Книгашке курыкмарий, олыкмарий да англичан йылме-влак дене ныл лудшаш текстым пуртымо. Нунын полшымо дене студент-влак кузе тунем шуктымыштым терген, палымаш кӱкшытыштым нӧлтен кертыт. Тыгак книга мучашеш тушто вашлиялтше чумыр мутвундым мутер семын вераҥдыме.

Пашам курыкмарий йылме дене шочмо йылме семын кутырышо, Йошкар-Оласе Марий кугыжаныш университетыште ыштыше йылмызе Надежда Краснова да олыкмарий йылме дене шочмо йылме семын кутырышо, Будапештысе ЭЛТЭ университетыште туныктышо Татьяна Ефремова дене пырля возымо. Савыктышым Коне Фондын окса полышыж дене ямдылыме да лукмо. Тиде фонд полшымо денак курыкмарий мутерна лекшаш. Мутерат курыкмарий йылме дене палыме лияш, тудым тунемаш кумылан-влаклан утларак йӧным ышта манын, ӱшанен кодына.

«Марий йылме интернетыште» проектын участникше-влак,
Вена, 2017-ше ий идым тылзе

Налмывер: univie.ac.at

Оставьте комментарий

Filed under Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s