Шотеш пиштӹмӹ тäнгвлä, коллегывлä, лыдшывлä дä тыменьшӹвлä. Мäмнäн книгäнäм «Кырык марла лыдына» тä кычылт кердӹдä. 400 страницäн книгä кырык мары литературный йӹлмӹ доно пäлӹмӹм ӹштäш сирäлтӹн. Марла попышывлä логӹц ти йӹлмӹ доно 10 % гӹц чӹдӹ эдем попа. Келесäш келеш, кырык мары йӹлмӹ культурышты дä сӹлнӹшаяшты кычылталтеш. Книгä алык марла попышывлäлäн кырык марла лыдаш тыменяш сирӹмӹ. Алык марла материалым мäмнäн сайтышты моаш лиэш: tk.mari-language.com.
Мäмнäн книгäнäм кырык мары йӹлмӹ доно грамматика äли тыменьмӹ книгä манаш ак ли, но ти книгäм кырык мары йылмӹм тыменяш кымыланвлä кычылт кердӹт. Тиштӹ кок литературный йӹлмӹ лоштышы фонетика дä морфологи айыртемӹм анжыктымы – тидӹжӹ алык мары йӹлмӹ пäлӹмäш кырык марла сирӹмӹ йӹлмӹн тäнгäштäрен ынгылаш палша.
Книгäштӹ кым йӹлмӹ доно – алык марла, кырык марла дä англичанла – лыдшашлык текствлäм дä книгäшты кычылтмы шамаквлäм пасна глоссари семӹнь пумы. Тыменьшӹвлä тенге ӹшке пäлӹмäшӹштӹм терген кердӹт.
Ти книгäм кырык мары шӹмлӹзӹ Надежда Краснова дä алык мары йӹлмӹм пäлӹшӹ Татьяна Ефремова сирäш палшенӹт. Коне Фонд гӹц нäлмӹ грант окса доно сирäлтӹн.
Тимоти Ризе / Джереми Брэдли,
Вена, 9-шӹ сентябрьӹн 2017-шӹ ин
Налмывер: univie.ac.at
MariUver 
Пиш кого тау.