Марий муро эстон чодыраште йоҥген

7-8 октябрьыште Вильяндиште XIV фольклор музык лектыш пайрем эртен. Тушто Эстонийыште тунемше марий мурызат лийын.

Фестиваль кугарнян кастеным тӱҥалын. Этномузык «Etnokulp» (Этномарласовла) премийым пуэденыт. Премийым шым категорийыште калыкын йӱклымыж негызеш рашемденыт. Йӱклымаш индеш кече шуйнен.

Тыге ийын эн сай мурыжо «Naised Köögis» (Ӱдырамаш-влак кухньышто) ансамбльын «Naised, naised» (Ӱдырамаш-влак, ӱдырамаш-влак) мурыжо логалын.

Конкурсышто эн сай дискым, артистым, ди-джейым да молымат рашемденыт.

21 шагатлан Венгрий гыч толшо мурызо Беата Пальян (Beata Palya) концертше лийын. Туддеч вара эше кок концерт йӱд марте шуйнен.

Эрлашыжым 11 шагат кечывалым Вильянди ер йыр мурен савырненыт. Тушто мурышо-влак коклаште Тарту университетыште тунемше финн-угор докторант-влакат лийыныт. Анна Мишина марий мурым шергылтарен пуэн. Одо Николай Анисимов ден Павел Кутергин удмурт сем почеш муреныт. Тыгак Россий гыч толшо коми мурызат лийын.

Фестиваль умбакыжым тӱрлӧ концерт-влак дене кас марте эртен.

Фестивальын икымше кечыж гыч кум видео: