Мордовий гыч «Торама» да Карелий гыч «Sattuma» ансамбль-влак 31 мартыште Эстонийын рӱдолаштыже фестивальыште выступатлат.
«Tallinn Music Week» фестиваль ынде кандашымше гана эрта. Да тений тудо 28 март гыч 3 апрель марте шуйна.
Фестиваль кышкарыште Таллиннын «Kloostri Аit» (Монастырь Клат) рестораныштыже 19 ш. концерет тӱҥалеш. Тушто ныл коллектив гыч кокыштшо финн-угор кундемла гыч: тиде ушештарыме «Торама» ден «Sattuma». Тыгак Тува гыч «Хартыга» да Белоруссий гыч «Пава» ансамбль-влак мурат. Нуно чылан калык муро ден сем-влакым таче кечылан келыштарат.
«Торама» ансамбльлан негызым 1990 ийыште фольклорзо Владимир Ромашкин пыштен. Тудо йомаш тӱҥалше эрзя ден мокша муро-влакым угыч пӧртылташ манын коллективым чумырен. Шкеже ынде 14 уке улеш гынат, ансамбль алят ила. Но, мутат уке, коллектив эн ончыч В.Ромашкинын илымыж годым пеш кумдан палыме лийын.
Карелий гыч «Sattuma» ансамбльыште ача ден йочашт-влак пырля коло тӱрлӧ семӱзгар дене шоктат. Репертуарыштышт карел, финн, ингерманланд калык муро ден сем-влак улыт.
Концертым парышдыме ушем «Фенно-Угрий Тӧнеж» ден «Maailmamustrid» (Тӱнямбал узор-влак) ди-джей-влак тӱшка эртарат.
«Фенно-Угрийын» уверже ныгызеш
MariUver
MariUver 