23 январьыште Марий Эл сымыктышын сулло пашаеҥжылан Василий Александрович Пектеевлан 60 ий темеш.
Тиде кечын Марий Эл Радиошто В.Пектеев дене вашлиймаш лиеш. А 24 январьыште Йошкар-Ола тоштерыште тудын усталык касше эрта, мероприятий 15 шагатлан тӱҥалеш.
Налмывер: Марий Эл Радио
MariUver 
Шыч кай тый тушко —
кайышыч тышечын,
Нигӧ ок вучо —
тыштыже поктат.
Кӧн шулдыр кушко
удырал покшечын
Лӱмет
чапет да
шуктымо пашат.
Шыч мошто нушкын.
Чоҥешташлан шочын
Чоҥешталат,
но шукын кӧранат.
Ойлат гынат
мастарлан корно почмо,
пураш шонет,
омсам рошт петырат.
Марий еҥлан
марий коклаште шыгыр.
Кӧ шкенжын шонымым
тоштеш ойлаш
Илен кодашлан
кайыман мо шылын?
Мастарлыкетым
тушто шуараш.
Марий кундем
тыгодым пустаҥеш ман
тӧра ок шоно —
Ласкарак чонлан.
Келша сур пӧртлан
сур чонан айдеме.
А тул чонан
кӧлан кӱлеш?
Кӧлан?!
Шыч кай тый тушко —
кайышыч тышечын.
Нигӧ ок вучо — тыштыже поктат.
Кӧн шулдыр кушко
удырал покшечын
лӱмет.
чапет да
шуктымо пашат.
Шырган,пеш сай возенат,чонышкак логале.
мыят лудын канышым
Пагалыме Василий Александрович!
Тендам марий калыкын эн ушан, виян, уста режиссер семын моткоч кугын аклем. Те Марий театрым шкендан кугу уста улмыда дене Тӱня кӱкшытыш нӧлтал кодышда. Тыгай усталыкым Юмо чылалан огеш пуйыро. Калык манмыла Тендан шочмыда годымак Юмо саҥгадам шупшалын. Ава-ачада Тыланда тугай талантым, пӱсылыкым, порылыкым, мастарлыкым пуэныт, нунылан моткоч кугу тау! Те тӱням шке шинчаужмашда дене, ончыл профессионал режиссер, политик улмыда дене Европа кӱкшытыштӧ эн прогрессивный марий айдеме улыда! Те шкендан уш-акылда дене, кӱкшӧ культуран, образованный, тактичный, икманаш, пеш чот ойыртемалтше интеллигентный айдеме семын поснак ойыртемалтыда. Тыгай еҥ-влак Марий кундемыште пеш шагал улыт. Шочмо кечыда дене тендам шокшын саламлем.Тек Тендам Юмо эре волгыдо корнышто кондыштарыже, поро тазалыкым, кугу рыскалым эре пуйырен шогыжо! Мый Тендам моткоч Аклем!
Эре сайым гына тыланыше
Эрвел лыве!
Пагалыме Василий Александрович! Саламлени тыйым шочмо кечет дене да таланена тылат тазалыкым, кужу у:мырым, еш пиалым, чыла нелылыкым сен:ен лекташ ситыше ко:рго: вийым. Тый шижат вет, шкетын от ул — тылат шочмо калыкет вийым пуа. Умбакыжат тавадан: шого — тиде арам ок лий. Шарнет вет, кунам ме тый денет «Марий Ушемым» угыч погышна, чулым марий — влак, кудылан о:рдыж велыш шке жапыштыже каяш верештын ыле, по:ртылеве, кузе мыланна полшеве. Тугак тыят шке жапыштыже утларак виян шке калык декет по:ртылат.
Тыйын соратник-влакет Женя Рыбаков да Вачай.