Марий Эл Радио 8 ийым концерт дене палемда

Марий Эл радион концертшеТений Марий Эл Радиолан кандаш ий темеш. Тидын лӱмеш радио кугу концертым эртара.

Марий Эл Радио шке пашажым 2005 ий 1-ше июльышто тӱҥалын. Икымше гана эфирышке Мурызо Эчан (Александр Кожевников) лектын. Таче радиошто чолга еҥ-влак пашам ыштат: Наташа Пушкина, Володя Матвеев, Марина Глушкова, Валерий Очеев, Ирина Якаева, Александр Кожевников, Владимир Аптулаев, Александр Кожевников, Вадим Протасов да Сергей Карпов.

Марий Эл Радиом кызыт кеч могай йӧн дене колышташ лиеш: радиоприёмник, машиныште улшо магнитол дене, интернет полшымо денат колыштын кертыда, кудыжо тыланда чотрак келша. Марий Эл Радио калыкыште тыгак тӱрлӧ концерт-программе дене палыме улеш. 2010 ий гыч тӱҥалын «Идалыкысе муро» концерт-фестивальым эртарат, кажне ийын Пеледыш пайремым марий дискотеке дене сӧрастарат.

Ынде кандаш ий кажне кеҥежым калыкым Йошкар-Оласе стадонлаште чумырат: ончыч «Строитель» стадионышто эртареныт гын, ынде кумымшо ий почела «Дружба» стадионышто марий койыш озалана. Теве 27 июльышто «Марий Эл Радиолан – 8ий» концерт-программым эртарат.

Тиде концертым организатор-влак эре оҥай деч оҥайым эртарат. Кажне ийын программым вӱдышӧ-влак тӱрлӧ йӧн дене стадионышко толыт. MERSEDES, имне дене, тарантас денат толыныт, а ынде мо дене толыт? Шонаш веле кодеш.

Концерт вашеш Марий Эл Радио тӱрлӧ конкурс-влакым эртара. Газонокосилке, мульти варке, телевизор модалтеш, конкурс-влакыште сеҥеда гын, пӧлекым кучыктат. Тыгак «У йӱк» конкурс эрта тыште тенда шке мурыдам радиошко конден кертыда. Жюри аранжировко ден тендам мурмыдам акла, сеҥеда гын, тендам Марий Эл Радион концертышкыже мураш ӱжыт да телевизорым пӧлеклат. Тугеже толза 27 июльышто «Дружба» стадионышко.

Палашланда:
1. Билет-влакым шаркалыше-влак дене налын кертыда. Акше: 250 теҥге.
2. «Кугарня» газетн 26 июльысо номерже чылтак «Марий Эл Радио» нерген лиеш.
3. «Дружба» стадионым ынде кок шагатлан почыт.

Налмывер: Николай Любимовын блогшо

Оставьте комментарий

Filed under Артикль-влак, Видео

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s