Марий самырыктукым слет Сотнурышто эрта

30 июнь гыч 7 июль йотке Марий Эл Юлсер (Волжск) район Сотнур селаште Визымше марий самырыктукым слет эрта.

Организатор-влак:

— Марий Эл Республикын туныктыш да шанче министерствыже;
— Марий Эл Республикын тӱвыра, печать да калык-влак паша шотышто министерствыже;
— Мер Каҥаш;
— «ВийАР» мер организаций;
— «Интеллектуал» тӱвыра-увер рӱдер.

Слётыш Российын тӱрлӧ регионжо гыч 18-30 марий ӱдыр-рвезе-влак ушнен кертыт. Корно роскотым колтышо-влак, а илыме да кочкыш шотышто роскотым вашлийше-влак кучат.

Слётышто лияш 500 теҥге оргнадырым (оргвзнос) пыштыман, тыгак анкетым да фотом колтыман.

Анкетым 15 июнь марте вучат. Тудым тышеч шупшыл налын кертыда.

Электрон адрес: marislet@mail.ru

РЕГИОН 12-ын видеосюжетше:

Налмывер: Арслан