Ӱярня тылзын 16-шо кечынже, шуматкечын, Тарту олан Сылнымут пӧртыштыжӧ (Vanemuise 19) VõiАрня марий да одо Ӱярня пайрем мероприятий лиеш. 13:00 ш. тӱҥалеш.
Радам:
Одо да марий Ӱярня нерген.
Марий да одо муро, модмаш да куштымаш-влак.
Калык мурым мурышо самырык мурызо-влак одо Николай Анисимов да марий Анна Мишина мурат. Марий трио (Е.Ведерникова, В.Семенова да А.Мишина), «Юмшан гур» одо ансамбль да Татьяна Алыбина шке мастарлыкыштым ончыктат. Аккордеон дене эстон Йӱрген Денго шокта.
Ӱярня мелнам шудо чай дене тамлен ончена. Пайрем ӱстелыш пеленет изи сийым налаш ит мондо.
Пайремым Тартушто тунемше одо да марий докторант-влак, «Юмшан гур» ансамбльын еҥже-влак, Тарту Марий-влак Ушем, Одо Ушем «Ошмес» эртарат.
VõiАрня мутым пайремым эртарыше-влак шонен луктыныт. Тудо кок ужаш гыч шога: эстон või (ӱй) да одо да марий йылмыште арня икгай мут гыч. Молан лач нине кок мут рашрак пайремыштына пален налыда 🙂
Ӱярня пайрем нерген шукырак тыште лудын кертыда.
VõiАрням эртарыше-влак
