Фонд самырык автор-влаклан усталык конкурсым увертара

Вячеслав Абукаев-ЭмгакВячеслав Абукаев-Эмгак лӱмеш «Яндар памаш» сылнымут фонд самырык автор-влаклан ий еда эртаралтше усталык конкурсым увертара.

Конкурсын тӱҥ шонымашыже:

Шочмо йылме, сылнымут полшымо дене самырык авторын (кыдалаш да кӱшыл школышто тунемшын, тыгак кумда илыш корныш икымше ошкылым ыштышын):
— чон арулыкшым аралаш;
— кӧргӧ чон куатшым пеҥгыдемдаш;
— шинчымашыжым кумдаҥдаш;
— йылме усталыкшым вияҥдаш.

Конкурс В.Абукаев-Эмгакын тыгай ӱжмашыж дене эрта: «Таче возымет теҥгечсе деч сайрак лийшаш!».

Конкурсын ыштышаш пашаже:

— серыме пашалан кумылан ӱдыр-рвезе-влакым чумыраш;
— сылнымут полшымо дене рвезе еҥлан шочмо калыкнан историйжым, йылмыжым, тӱвыражым, философийжым аклаш кумылаҥдаш;
— сылнымут гоч рвезе еҥын тӱняумылымашыжым кумдаҥдаш;
— сылнымут дене шӱлышӧ, пиалан айдемым кушташ;
— самырык-влаклан усталыкыштым вияҥдаш йӧным ышташ;
— ончыкылык сылнымутчо, журналист-влакым куштымаш.

Конкурсым эртарыше-влак:

— «Ончыко» сылнымут да мер-политик журнал: 424000, Йошкар-Ола, СССР Вооруженный вийын 70-шо идалыкше урем, 20-50. Тел.: 45-15-46.
— «Марий Эл» газет: 424000, Йошкар-Ола, СССР Вооруженный вийын 70-шо идалыкше урем, 20-69. Тел.: 41-23-71.
— «Кугарня» самырык-влаклан газет: 424000, Йошкар-Ола, СССР Вооруженный вийын 70-шо идалыкше урем, 20- 60. Тел.: 45-43-72.
— «Ямде лий» йоча газет: 424000, Йошкар-Ола, СССР Вооруженный вийын 70-шо идалыкше урем, 20-51. Тел.: 45-25-49.
— «Кече» йоча журнал: 424004, Йошкар-Ола, Красноармейский урем, 44. Тел. 64-19-33.

Серымылан акым редколлегий пуа:

1. В.В.Краснов, В.Абукаев лӱмеш «Яндар памаш» сылнымут фондым вуйлатыше.
2. Л.А.Абукаева, филологий наука доктор, Марий кугыжаныш университетын профессоржо.
3. А.С.Абдулов, «Марий Эл» газет» ООО-н директор-тӱҥ редакторжо, историй наука кандидат.
4. Ю.И.Соловьев – «Марий журнал» ГУКП-ын директоржо, прозаик, драматург.
5. З.М.Глушкова, «Марий Эл» газет» ООО-н сылнымут да публицистика шотышто редакторжо, поэт. Фондын секретарьже. Тел. 45-11-19.
6. М.И.Матвеев, «Кугарня газет» ГУКП-ын директор-тӱҥ редакторжо.
7. Г.Л.Сабанцев, «Марий Эл» ГТРК-ан радио пашаеҥже, поэт.
8. Л.В. Семёнова, «Ямде лий» газет» ГУКП-ын директор-тӱҥ редакторжо, прозаик.
9. С.Д.Архипова, «Кече» йоча журналын тӱҥ редакторжо, Российысе Писатель ушемын Марий Элысе пӧлкажым вуйлатыше.

Автор-влакын серымыштым комиссий тыгай йыжыҥ дене акла:

— эн сай поэзий – «Кинде-шинчал» премий:
— эн сай проза – «Ошкеча» премий;
— эн сай драматургий – «Кайыккомбо кашта» премий;
— эн сай журналист паша (интевью, репортаж, очерк) – «Виш чон» премий.

Конкурсын эртыме радамже:

— конкурсым эртарыме роскотым Фондын вуйлатышыже В.Краснов палемден. 2013 ийысе конкурсын фондшо — 80 тӱжем теҥге;
— сылнымут конкурсышто вийым тергаш Россий Федерацийыште илыше, марла серыше кажне самырык еҥ (30 ий марте) ушнен кертеш. Нуно жанрым шотыш налын пашам ыштышаш улыт.
— автор шке возымыжым (компьютереш поген печатлымым; 1 экз.) редакцийлашке колта. Палемдымаш: тенийсе конкурсыш 2012 ийыште савыкталтше сылнымутымат темлаш лиеш.
— редакций пашаеҥ-влак кажне автор дене посна пашам ыштат. Тыгодым кугу тӱткышым авторын мутвундо поянлыкшылан, марла ойым, сылнымут произведенийын кышкаржым чын чоҥен моштымыжлан тӱткышым ойырат;
— 1 ноябрь гыч 1 декабрь марте автор Фондын вуйлатышыж лӱмеш йодмашым сера. Йодмаш дене пырля анкетысе йодышлан вашешта. Газет ден журналлаште савыкталтше сылнымутшым чумырен, редколлегийлан аклаш темла. Документым Фондын секретарьжылан (З.Глушковалан) кучыктыман.
— сылнымут фонд конкурсым Йошкар-Олаште Марий Элын калык писательже Вячеслав Абукаев-Эмгакын 55 ияш лӱмгечыжым палемдыме годым (декабрь мучаш 2013 ий) иктешла. Диплом ден окса премийым кучыкта.

Пашада ушныжо, йолташ-влак!

В.Краснов,
«Яндар памаш» сылнымут фондын вуйлатышыже

Оставьте комментарий

Filed under Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s