Ушемын негызше пеҥгыде лийшаш

Эмблема последнего VIII съезда народа мари«Мер Каҥашын» кандашымыше погынжо деч варасе пашаж нерген икмыняр мутым ешарена.

Паша манмаште ойыркален палемдаш кӱлеш могай пашам чынжымак «Мер Каҥашын» пашажлан шотлаш лиеш. Шукынжо тиде йодышым шерын ончаш огытат шоно. Тиде йодыш кӱлдымӧ огыл. Кӧ пала, могай кугу пашам шуктышаш «Мер каҥаш» да могай тыгыде сомылка-влакым? Такшым тыгыде сомылка-влак кугу пашан ужашыже, элементше лийшаш улыт. Кунам чыла тиде пашам радам дене шукта «Мер каҥаш» вара иже «обязательный огыл» сомылка-влаклан пижын кертеш. Но нигунамат мӧҥгешла огыл.

Икымше эн кугу паша – «Мер каҥашым» чоҥымаш. Тудым туге чоҥаш кӱлеш, кушко мер пашам ышташ шонышо-влак вожылде, лӱдде, шонымо жапыште толын вашмутланен кертышт.

Кызытсе системе, кызыт кучылтмо йӧн (метод) тыгай сомылкам шукташ нигӧланат огеш полшо. Индеш шагатлан толат – Мочаев таче эше толын огыл, маныт. Кок шагатлан толат – таче, наверно, огеш тол, маныт. А ме, кандашымше погын деч ончыч, погыным чумырымо жапыште, «Мер каҥашын» чиновник пӧлемже могай лийшаш нерген шуко мутланышна, ӱчашышна: «Мер каҥашын» омсаже арняште куд кече – индеше эр гыч шым шагат кас марте эре почмо лиймыже нерген. Тушто эре, дежурный семын, лийшаш улыт шым-кандаш ий чарныде «Мер каҥаш» радамыште шогышо иктаж-могай еҥ.

Тачысе кечын почмо омса гоч пурет гынат, шуко йодышлан вашмутым налын от керт. Южгунам вашлиеш тыйым пеш самырык ӱдыр, кудыжо кӱлеш наре огешат пале – мо тугай «Мер каҥаш».

Правленийын пӧлемжым кӱлеш семын поген-чумырен шуктена гын, илалше еҥ-влак тушко пурышо-влакым вашлийын мутланаш ямде лийыт гын, – икымше задачым шуктышна, манын кертына.

Кокымшо кугу паша – миллион деч шукырак ик йылман марий калыкым шочыктен, ончен куштен, однородный, пеҥгыде нацийыш савырымаш.Тиде тӱҥ пашаш тыгыде сомылка семын эн ончыч пурат:

а) илышым туге келыштараш кӱлеш, ончыкыжым ик марий чонынат вес нацийыш куснымыжо ынже шу: ӱдырым налаш шке кокла гыч, марлан каяш шке марий рвезылан;

б) кажне марий еш шочыктен, ончен куштышаш тунар йочам, кудышт чылалан ситыше лийыт. Москвалан ик йочам ыштем, Йошкар-Олалан кокымшо йочам, райцентрлан – кумшо йочам, нылымше йочам резервный спискыш пуртем, кум йоча шке пеленем кодеш;

в) ялласе калык дене пашам веле огыл ыштыман, а тудын дене пырля илен, йӧным кычалман:
– кугыжаныш кучем деч паша верым вучымым чарнаш;
– пырля чумырген, тӱрлӧ юридически тӱсан, тыгыде шке озанлыклам чумыраш, да ялысе калыклан примерым ончыктен, пашам ышташ.

Тидым ыштен кертына мо? Кертына! А пижына мо тиде пашалан? Ӱшан кугун уке. Тений огыл гын, ала икмыняр ий деч вара? Юмо пала.

Кунам шкалан «Марий калыкше ынде тӱвытак пыта мо?» манын йодышым шындет, уло йӱкын кычкыралме шуэш: «Ок пыте!»

Кунам кажне палыме еҥын лӱмыштым шергал лектат – кумыл вола. Кӧжӧ дене кӧ чытышым кучен, тыгай мутланымашым тарватен кертеш? Вет мутланымашым эре савырат Погыным ик верыш чумырен шуктымо татыш. А мутланаш кӱлеш эн шукыжо – кузе Погын деч ончыч кум-ныл тылзе пашам тӱҥалме шотышто. Пытартыш вич погын чумырымо жапыште мый уполномоченный лӱм дене районлашке шуко коштынам. Сӱрет эре икгаяк. Ик районыштат марий калык шке лӱмжӧ дене, шке чулымлыкшо кӱшеш ик ганат делегат-влакым сайлен огыл. Шернурышто Евгений Яшметов дене кажне ялсовет гыч ойыркален-погкален, уло районысо граждан-влак лӱм дене делегат-влакым сайлена манын тыршышна, но нимо шот ыш лек. Марий калык MariUver сайт гоч шуко гана кугыжаныш чиновник-влаклан Щукарьла «отлупым» пуэдыш. А вет кучем велым тыгай полыш огеш лий гын, ала Погынжат тенийсе марте шулен йомеш ыле? Пример шотеш налаш лиеш кеч У Торъялым, Параньгам, Советскийым. Чыла вереат тыгак.

«Мер каҥашын» Уставше раш кӱшта: делегат-влакым ойырат, вара сайлат тиде кундемыште илыше марий национальностьым нумалше 18 ийым темыше гражданин-влак. Мо эше кӱлеш? Ойлымо огыл вет калыкым «Мер каҥаш», «Марий ушем», Марий национальный конгресс, «Саскавий», Культура министерство але «У вий» погышаш манын? Теве налза кидышкыда Уставын тиде лостыкшым да руш манмыла, «вперёд» веле, поктыза.

Тӱшка пашам мутланен келыштарымекат, чонан илышыште, эре иктаж-могай да тӧрлатымашым пурташ логалеш. Тиде шижтарымаш кӱшеш тыланда адакат шке темлымашем луктам. Те паледа вет, шым-кандаш еҥан тӱшкаланат ала-могай да вуйлатыше кӱлеш. Шорык кӱтӱмат кӱтӱчӧ шке шинчаж дене шеклана гын, марий калыкын статусшо шорык кӱтӱн дечат ӱлнӧ огыл, шонем. Тугеже шарналташ, шонкалаш, тӧрлаташ тыланда угыч тошто схемым газетын ик лаштыквелешыже сакем. Мутланымашке ушнаш ӱжам. Схемыш уым нимом ешарыме огыл. Кузе тудым чоҥымо ыле ончыч, тугаяк кодын. Вот ынде те шоналтыза, мом кушко ешараш але кушеч мом пӱчкын кудалташ.

Йолташ-шамыч!

Ӱчашыде мутланыде нигунам кугу паша ышталтын огыл. Ида вучо, кунам мыланна пашам ыштен моштышо, кертше, ямде «Мер каҥашым» конден шогалтат. «Мер каҥашыште» пашам ыштен кертше да моштышо специалистым ни МарГУ, ни Мар-ГТУ, ни техникум, училище-влак огыт ямдыле. Чыла тиде мемнан вачӱмбалне кия!

Мый ончычат шке мутем луктынам ыле «Мер каҥашын» кӧргӧ вийже нерген. Тачат тудымак тӱем.

«Мер каҥашын» кӧргӧ вийжым илалше-влак кӱшеш чумыраш кӱлеш. Тыгай мут ваштареш шогышо-влак огыт шагалем. Ешаралтыт веле. Шоҥго еҥлан, маныт, тугакат неле, а те эше тудым неле пашаш кычкынеда. Огеш кӱл маныт, нуным орландараш. Туге гынат ӱшан нине тӱшкаш пурышо еҥ-влаклан веле. Кучылтам ончыч ойлымо мутемак. Шоҥго-шамыч политический мотив дене «неликвидный» улыт. Нунылан кугыжаныш кучемыште паша верым сӧраш огеш лий, кучем пеленсе «политический» партийын пӱкенышкыжат шоҥго еҥым кӱзыктен шындаш сӧрал огыл. Шужен колем манын шорташ кугу амал уке: изи гынат ала-могай да пенсий уло. Чыла тидым шотыш налмеке, эн чот келшыше кандидат-влак кокла гыч лач нунылан веле ӱшан.

Рвезе-влак чулым улыт, шонашат писынрак шонат, но тугак пеш писын ик шонымашышт вес шонымаш дене вашталтеш. Садлан «консервативный» илалше тӱшка марий илыш йӱлам калык коклаште пеҥгыдынрак куча. Рвезе-влак деч посна нимом ышташ огеш лий. Садлан кажне созыв манме «Мер каҥаш» шке тӱшкажым ийгот шот дене ончымаште ала-могай да процент гоч чумырышаш. Мутлан, тӱжвач ончымаште процент шотеш тыгайрак сӱретым ончыктем:
* 61 ияш деч кугурак-влак – 70 %;
* 45 ий гыч 61 ий марте – 10 %;
* 35 ий гыч 45 ий марте – 10 %;
* 18 ий гыч 35 ий марте – 10 %.

Тиде пример шотеш веле. Лийын кертеш вес сӱретат. 50% – 61 ияш деч кугурак-шамычлан, 50% – 61 ияш деч рвезырак влаклан. 600 тӱжеман марий ешыште вес шонымашат лийшаш.

Кеч-мо гынат, эн ончыч мутланаш тӱҥалаш кӱлеш. Тачысе кече марте ме илен толын улына «инерцийын» вийже кӱшеш веле. Мемнан налме «инерцийлан» вийжым шочыктеныт тӱрлӧ еҥ-влак, кудышт изи чотан наций-влакын мландӱмбалне улмыштым огытат шиж. То икте, то весе пӱтынь Российлан экономический пайдале ойым пуат. Российлан, маныт, куд-шым губерният сита. Петербургский, Московский, Нижегородский да эше икмыняр. Оҥай «рокировкым» мемнан пошкудо татар калык дене ыштынешт. Казанский губерний, маныт, огеш кӱл. Кызытсе транспорт кыл, связь кыл улмылан кӧра татар-шамычым Нижегородский губерний дене «комыжлена». Марий калык нерген ик мутымат огыт лук. Совет власть годым мыланна пуйто закондымын кызыт улшо статусым пуэныт. Посна калык семын илаш шонена гын, ала кузе да тыгай туткар ваштареш шогалаш кӱлеш, докан. Вес семын марий ӱмырнам кузе аралена? Шонкалаш, пашам ышташ да «трудовой» манме разработкым калык коклаш лукташ. Ала тыге ыштымеке, лектыш вучымо лиеш? Йоктарыме пӱжвӱд арамеш ок лий, шонем. Иктаж могай пашам мучаш марте ыштен шуктена гын, шкенам шонкалыше айдеме семын шижаш тӱҥалына.

А.Смирнов,
«Мер Каҥашын» еҥже

14 комментариев

Filed under Артикль-влак

14 responses to “Ушемын негызше пеҥгыде лийшаш

  1. Олык марий

    Вес съездшым кунам погат?

  2. Rongo

    Мари калык. А.Смирновын статьяжым сайын лудса, кумдан шоналтыза, його улмыдам мондыза да шкенан мари элнам, мари калыкнам, мари йылме ден мари йӱлам арален кодаш шоныза, изишак шке шонымо мутдам мари погынымаште каласыза. А вет Смирнов лачак воза. Если тыгак шып шинчаш тӱҥална гын, то коми-пермяцкий округ семен иктаж деке ушнен шындат то паша вес семын лиеш. Мемнан мари коклаште тыгай шомак ила: «Иктаж деке ушат гын, может сай илыш лиеш». Тиде пеш кугу туткар шонымаш, ме мари калык нигӧлан она кӱл. Тидым чыла мари калык палаш да умлаш должен улыт
    Вот тыгай йодыш мыйым пеш чот тургыжландара.

  3. Иосиф Рабинович

    А по-русски нельзя было написать?

  4. А.Н.Смирнов

    Нельзя! И так все по русски. Одеваемся, женимся,разводимся, ругаемся. Все по русски. Хоть о самих по своему.

  5. Никитин С.П.

    Статья немного критичная. Но основная мысль в поддержку существующего положения, в необходимость косметического ремонта. Не более.
    Автор предлагает, чтобы Мер канаш работал, как общественная приемная, ныне их много — правящей партии, празидента, премьера, губернатора, депутата и т.д.
    Второе: — «если бы не столь часто критикуемые чиновники, то от общественных организаций и духу не осталось». Мысль, извините, верхоглядская. А не чиновники ли и Система виноваты в том, что общественность превратилась в «бомжа» копающегося на помойке у богатых коттеджей? К слову, во время выборов и к бомжам везут переносную урну, чтобы продемонстрировать «торжество демократии».
    Предложение выбрать в Мер Канаш пенсионеров, тоже входит в русло примиренчества. Но мысль о том, что мудрые старейшины оказались отброшены на обочину общественной жизни, я поддерживаю. Нам нужны ваш опыт и рассудительность! Может, создать вторую палату — Совет старейшин, Мер канаш становится исполнительным органом, рабочим? А Совет — контролирующим?
    В заголовке — «Укрепить базу (основание) Мер канаш». Напрашивается ответ, и Вы даете схему, похожую на современный фронт. На мой взгляд, не хватает следующего:
    1. — под какой идеей обьединяться? Наш народ неоднороден, он разбит на различные социальные группы. А нам все втюхивают идеи о представительстве по возрастному принципу — например о 30% молодых и т.д.
    2. — при отсутствии национальной политики в стране, все культургерские национальные организации становятся придатком органов министерства культуры и туризма.
    Коренные народы России проиграют народам имеющим диаспорический опыт.
    Наверное и хватит. Мы мыслим и стараемся выжить опираясь на наивные представления двадцатилетней давности. А жизнь убежала вперед, то ли назад…
    Спасибо А.Смирнову за статью. Есть о чем подумать. Вы остаетесь одним из немногих «профессиональных марийцев». Я Вам даю не «отлуп», а развиваю идею.

  6. А.Н.Смирнов

    Пагалыме Сергей Петрович!
    Талешке виян, чапланыше «Марий ушем» могай амаллан кора да кунам лунчыргаш тунале шарнеда?Монден огыдал шонем. Туналтышым пыштыш угыч шочыктымо «Мер канаш», изиш лиймеке «Кугезе мланде» а вара «пошло поехало»
    650 -700 тужем чотан калык ик пенгыде мер организацийым вел чумырен кертеш. Кум -ныл мер организацийым ыштыме нергенат увертараш лиеш но тиде руш манмыла нылытынат неполноценный, неработоспособный»лийыт.Калык кокласе чыла «йыпым» шинча ончылно кучашлан ала уымат шочыкташ лиеш но чыла тун организаций дене келыштарымеке веле.
    Марий туняште мыняр посна вуйын шогышо организаций -влак улыт? Шотлена: Мер канаш, Марий ушем, Марий национальный Конгресс, Кугезе мланде, Саскавий, У вий,Ош виче. Тышкак ешарена понгыла лектын шогышо землячестве-влакым. А те терген огыдал Землячестве -влак марий мер илышыште марий- влаклан пайдам кондат але корнысо тореш кийыше кашка улыт?
    Кандаш-индеш ий ончыч Н.С.Попов дене шуко мер организаций -влак нерген мутланыме годым ик ойыш лектын ыжна керт. Мут лектын ыле Ираида Степанован удрамаш ушемым ышташ шонымыжо годым. Тиде шонымаш тунам вийыш ыш пуро а вот ала мыняр ий эртымеке Саскавийым чумырышт.
    Те, Сергей Петрович, чын ойледа кон кидыште улыт мер организаций -влак. Вес семынже лийын огеш керт. Чылан палена материальный туняште мо верч да кон кидыште чыла «рычаг» улыт.
    1917 ийыште шочшо «Марий ушемат» тиде чер улмыланак йомын. Ида шоно Совет -власть ала могай да постановлений кушеш «Марий ушемым » петырен. !917 ий гыч 1921 ий марте «Марий ушемын» пашаже архивлаште койыт а вара муаш огеш лий. Ала мый кулеш семын кычалын омыл?
    Комыт лийыныт марий национальный илышым кокымышо гана ылыжтымаште эн ончыл радамыште? Яналов, Гордеев, Абдулов… Чылаштым угыч огына шарне. Кызыт кушто улыт нине патриот -влак?
    Лев Гумилевын пассионарий нерген умылтарымыжлан ушанаш гын уло кап пассионарный вий дене темалтын гын тудын ик паша веле: кучедалаш, кучедалаш, кучедалаш…
    Гумилевын формулыжым шке шуена гын лектеш тыгай ингдивидуум-влак але сеналтыт але сенышыш лектыт. Тугеже мемнан патриотна-влакын капыштышт нимогай пассионарный вий лийын огыл. Пассионарный вийым тачат нумалыт манын ойлен кертам В.Н.Козлов, Аркадий Данилов,Юра Борисов шотышто. Весат лийын кертыт но мый ниным веле раш ужам да тугак раш умлем.
    Сергей Петрович!
    Шарналтыза тошто жапысе коммунист -влакын мутыштым. Нуно ойленыт: шуко кулешан паша коклаште коммунист-влак эре палышаш улыт- тун паша — партийный строительстве!
    Мыят ойлем: Мер толкыным организационно чонымаш — тачысе кечылан ик тун паша.
    Кузе шонеда Сергей Петрович ?

  7. Oron

    Анатолий Николаевич, сколько можно говорить «надо» и «надо бы»…
    Стойкость нужно проявлять тогда, когда она своевременна.
    А после разводить «в споре рождается истина»… — думаю, малоэффективно.
    А следующий съездик будет как церемония приемки-передачки от Онькувы Оньыкугызе.
    В 2008 году делегат из Башкирии Мишка Илтубаев по сценарии Васютин-Юзыкайн-Мочаев совершил идеологическое покушение на статус всенародно принятого регламента (он и сам раньше голосовал за статус) Оньыжа. Тем самым взял на себя большой грех. Марийский народ это ему не простит, несмотря ни на какие его высокие чиновничьи должности.
    Он с подачи также Яковлевой опозорил свой эрвелмарий. Вспомните, как резко изменилось к ним отношение остальных?
    Но суть-то не только в этом.
    Анатолий Николаевич, в ваших услугах как представителя Мер Канаш в районах перед выборами яковлевы не нуждаются.
    Не зря о предстоящем Съезде Народа Мари до сих пор нет слов ни в печати, ни в кулуарах. Самое интересное — в самом Мер Канаше.
    Нафиг им это нужно. Они достигли своей цели — уничтожили марийскую общественность.
    А теперь получат свои «отработанные» госпремии, медали-ордена.
    А ты еще чего-то хочешь, товарищ Смирнов.
    Что-то наивным стал что-ли.

  8. Никитин С.П.

    Пагалыме Анатолий Николаевич!
    Мер толкыным организационно чон*аш шонат ыле гын — Мер Канашыште таче уже список-влак кият ыле — могай районышто, мыняр ен* уло. А тыгай паша ок ышталт — тудо ок ку*л. Автономийым изиш-изиш почыт, да чыла.
    Могай лийшаш тачысе кечылан келшыше мер ушем? — Социальный сеть гай? — Диаспора-гай? Тыге дыр. Ме, иланен кертына, кунам диаспора закон ден илаш ту*н*алына. А диаспорам чон*ат окса гыч (и тудлан верч), да пен*гыдемдат йоктарыме ву*р ден. — Ямде улына тидлан? Молан ку*леш?
    Еще лийшаш кугурак ен*-влак (авторитет, старейшина). — Улыт? Нуно-влакын авторитет негызыште лийшаш юмыйула, уш, ару паша ден чон. Нунын шен*гелне шогышаш вий.Уло тиде? Пуат тидым ышташ?
    Мер толкыным «мари улына, чолга улына!» лозунг ден ышташ ок лий. Тыгай толкын «Мари кас» да Марийылман дискотекалан, да Пеледыш пайремлан веле келша. Сандене мемнам шеледат то верысе (местечковый), то на*стаулмо (половой, гендерный) принцип ден, то ийгот ден. Чот калык, наций — тиде еш! А ешыште чыла пырля ыштат, мо кертмыжым, а огыт шалане ту*рло* принцип да признак ден.
    Ятыр верыште возат да маныт: — «Мари нацийым чон*аш ку*леш!!!» Да тыгодымак мондат — наций ылыжеш национализм шу*лыш ден. Ямде улына? Ку*леш тиде?
    Мер канашын ту*н* пашаже — тиде ямдылаш электоратым (делегатым) у Погынлан. Тыште илалше меръен*-влак огыт ку*л. Тыште ку*лыт рвезе «хунвэйбин-влак». Сандене «тошто гвардийым» лавыраш шу*калыт веле.
    Сандене, Анатолий Николаевич, тен*гечысе схема-влак морально устаревший и технически непригодный лийыныт.
    Шонем, сита.

  9. Сергей Петрович!
    Мый ынде орам иктаж мом возаш коментарий семын. Те вет мыланем категорично манаш лиеш темледа нимом тлечла возаш огыл. Кунам айдемын вуйешыже шочшо шонымашлан «технически непригодный» акым пуат тунам тиде приговорым умлаш кулеш в прямом смысле,- «умшатым петыре». Вара кузе умлаш шарлыше призывым (ужмашым) «учашымаште чыланат ик тор улыт»?
    Ала молан те ик семын «железобетонно» умледа кунам мый темлем илалше -влак нерген.Илалше -влак чыла пашам нигунамат лач илалше -влакын вийышт кушеш ыштен огыт керт. Но нуно кажне «слойым» нергелыме илышыште улшо, чыла калыкым ик пашаш кычкен кертшаш улыт. Кеч ислам, кеч христианство, кеч мемнан тошто марий тынна(вера) эре лийыныт илалше ен-влак кидыште. Нуно веле йочамат, рвезе -влакымат, удырамаш-влакымат ик тушкаш чумыреныт. Мемнан «Мер канаш» радамыште тачысе кече марте мыняр процент илалше да мыняр процент рвезе-влак улыт? Вот то-то. Илалше -влак укелан кора рвезе -влак коклаште «нерегулируемый борьба за первенство» чарныде шуйна. Те шарнеда Пектеев дене Попов кокласе учашымашым? Попов дене Мочаев кокласе учашымашым? Мочаев дене Козлов кокласе учашымашым? Эше ик гана каласаш логалеш : илалше -влак улыт «относительно консервативны» , «относительно дальновидны».
    Мый темленам учашаш но с выходом на решение. Те товар дене руымыла «чарныза» манын приговорым мыланем лудыда.
    Кон могай потенциалже уло пошкудо веле огыл лишыл енат раш ок пале. Сандене вашкыман огыл цифр дене ончыктымо ийготлан ушанаш. Чыла тидым Юмо веле пала.

  10. Никитин С.П.

    Пагалыме Анатолий Николаевич!
    вуеш ида нал, мый возем ку*чукын да коштыктен, «ву*д деч посна». Ом о*ро*, ятыр годым о*пкелат, огыт ун*ыло.
    Мый Тендан «Схемедам» лонченам еще «Мер ой» газетыште лекме годым — тиде 2004 ийыште ыле, чай. Ешарен, «Марий чан*» газетышке колтышым Погын деч ончыч, да ышт лук — Мочаев мане: — «Промариушемовский улмыжлан». Тиде схеме таче марте илышышке пурен огыл гын — «шон*го» лийын. А молан «технически непригодный» ЛИЙЫН (а УЛЕШ огыл), тыште тыгай амал: — Мер толкынышко юмыйула ушемым шынден огына керт — «религия посна шога». И Таныгин Яковлева ден то*р шоген огыт керт. Кокымшо амал: — мер ушем-влак то*р огытыл: — Мер Кан*аш шкенжым ушемлан ужеш, пеленже Марийский национальный конгрессым шу*дыра. Вот, мый у*жмашым нальым «Шыже форум-2011»-шке, и ту форумын программыштыже — «МН Конгрессын конференций». А молан Форумын Программышкыже «Марий Ушемын» конференцийым огыт пурто? Вес оян ушем ок ку*л, очыни.
    Келшем тендан Схеме ден «концептуально», ойжо ден. Ужам — тудо «идеалистический», эн сай, «диаспорический» манаш лиеш. Но тудым илышышке шын*дарен она керт. Айста вес ойым, вес ен*ым колыштына, молан коктын веле у*чашаш?
    Ондак возенам: — Погынышто сайлышаш улына Мер Кан*ашым — «исполнительный» органым, и тыге лу*мдем — «Чалвуй Кан*ашым» — контролирующий органым, кушко илалше ен*-влакым веле пуртена. Илалше-влак карьера верч то*рштылаш огыт ту*н*ал, нунылан вожым аралыман, калык йулам, ойым.

  11. Laid

    Анатолий Николаевич, Те у*чашаш, лончылаш, кан*ашаш темледа.
    Вот колында, Советский районышто туныктышо-влак дене вашлиймаште ала-могай туныктышо Маркеловлан молан ме тыге удан илена манын йодышым пуэн.
    Эрлашыжымак тудым паша гыч луктын колтеныт.
    А Те ко* дене те у*чашынеда?
    Мый денем мо?
    Ме коктын у*чашен ситаренна, шонем. Сандене у*чашымашат уке.
    Темлыза, ончыктыза парняда дене — ко* шке кандидатуржым вес Погынышто луктеш. Вот тунам вигак тудын у*мбак кержалтыт.
    Ида о*р, — кержалтыт тендан у*мбакат Ийготдамат огыт ончо, если те критике дене да марий илышым саемдыме тура йодыш дене лектыда.
    Схеме — тиде сай. Но тудо илышыш пурталтын огыл ынде тынар жап.
    Весе, келшем — кок шинча онченак марий илышым пытараш пуаш ок лий.
    Теве ку*шнырак лудын лекса К. Сануковын статьяжым.
    Ставкым ышта чылаланнат — самырыклан самырык семын, илалшылан — илалшырак семын.

  12. Никитин С.П.

    Мемнан келшыше шонымашна ятыррак, сандене, Тендам «чарен» да «руал» ом толаше. Каласем иктым — Мер Кан*аш уло, але уке — тидым марий калык ок шиж.
    И тачысе мари меръен*-влак пу*жву*д йоктарен пашаштым нан*гаяш кумылышт уке, докан.
    Мые, «рядовой» гыч кушкым «областной генерал» марте. Шарнем, могай шу*лыш ыле Кумшо Погынышто, да 7 — 8-ше Погынышто. Вий весе. Шу*лыш весе. Илыш весе. Мыланемат о*пкелаш лиеш — 3-шо Погын деч вара ялыштына мари колхозым ышташ ышт келше — ынде калыкат шаланыш, мландымат лын* йомдарышт, марла ойлышо шагалемеш. 8-ше Погын деч вара, областной «Мари» лу*ман ушемын активист-влак ышт келше кажне ялыште ячейкам ыштен, илышым саемдаш — пашадеч коран*ыч, кучедалаш пижыч.
    Уке мемнан и «партстроительство», ни идеологический паша, ни ший негыз.
    Шонем, сита. Мыланем возаш сита. Ятыр шонкалымаш, ой лукталтын, да нуно огыт ку*л, шижам.
    Пагалыме Анатолий Николаевич, Погынышто Онъыжа верышке шогалаш лектыда гын, мый(лиям гын), йукым Тылада верч пуэм.
    Шонкалыза. У*чашен шогышо шуко лийышт!
    «У*чашыде мутланыде нигунам кугу паша ышталтын огыл».

  13. ЛомЭр

    Пагалыме Анатолий Николаевич!

    Йодышым угычын нӧлталмылан, да каҥашаш ӱжмашлан кугу тау. Мыйынат икмыняр шонымаш да йодыш-влак улыт. Вашлийын луктын ойлем. Тендан телефон номер мыйын уло, но шонем, уто огыл ыле тыштат тыланда тудым верлаҥдараш. А сайтым вӱдышӧ статья мучашышке ешара гын, вес лудшо шамычлан пеш каньыл лиеш ыле.

  14. Валерий

    сай шонымаш-влак… но шонымым эше алагуже илышыш пуртыман.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s