1 ноябрьыште Татарстанысе марий-влак икымше погынышкышт чумыргеныт ыле.
Тыгай кугу кӱкшытыш шумышт дене нуным саламлаш Татарстан Республикым вуйлатышын кӧргӧ политике йодыш дене управленийжын калык-влак йодыш шотышто пӧлкажым вуйлатыше Вячеслав Никифоров, Татарстанысе калык-влак ассамблейын совет исполкомжым вуйлатыше Николай Владимиров, Агрыз районын каҥашеҥже Равиль Маннапов, Марий Элын тӱвыра, печать да калык-влакын пашашт шотышто министржын алмаштышыже Галина Ширяева, Мер Каҥаш вуйлатышын алмаштышыже Валерий Мочаев, Одо марий-влакын ушемыштым вуйлатыше Анатолий Радыгин, Пошкырт кундемысе республика кӱкшытан «Чолман» газетын тӱҥ редакторжо Игорь Губаев да молат толыныт.
Озаҥ оласе Калык-влак келшымаш пӧрт пашам келшен виктарыше, ик шонымашан 100 наре еҥым чумырен. Делегат-влак шукерте огыл регистрироватлыме республика кӱкшытан Калыкле-тӱвыра автономийыштым вуйлаташ ик ой дене чолга Агрыз марий О.Третьяковым пеҥгыдемдышт. Татарстан мланде пеш кумда, марий-влак икте-весышт деч 100 дене меҥге коклаште илат, сандене эше сопредседательлан Озаҥ гыч Р.Бушковым ойырышт.
Д.Речкинын фотожо: (шола гыч пурлашке) Н.Владимиров, В.Никифоров, Г.Ширяева, О.Третьяков, А.Радыгин, В.Мочаев.
Налмывер: «Марий Эл» газет
Позорник мочай и угодная власти ширяева там были лишние…
Мемнан кызыт марий мер толкынышто эн куго босвлӓ ширяй-мочай команде-банде 🙂
XjЧто ж так мечая в угол забили, аж голову повесил…
Векат тидын деч ончыч коньякым шукырак подылын да мокмыр чай…