Эстонийыште калык-влакын кечыштым пайремленыт

Эртыше арня пайрем мероприятийлан моткоч поян лийын. Кум эстон олалаште, Таллинн, Тарту да Йыхвиште, 23-шо идымын гыч туналын тӱрлӧ концерт, спектакль, семинар, фото-ончер да тулеч молат эртаралтыныт. Чыла тиде ик пайремлан пӧлеклалтын.

Идым тылзын 24-ше кечынже «Эстонийыште илыше калык-влакын кечышт» («День народов Эстонии») эл кӱкшытыштӧ вич ий жап пайремлалтеш. Тиде пайрем эртаралтме вийжым республикын рӱдӧ олаштыже налын.

Вара 24-ше идымын Тарту олашке эстафете почеш куснен. Вич шагат кастен «Ванемуйне» концерт залыште моткоч оҥай, поян концерт программе шке кумылын толшо уна-влакым куандарыш. Кажне программын номерже икте-весе деч ойыртемалтын. Тӱрлӧ калык, кертмыжт семын, шке чийемже дене мурен-куштен калык ончык лекте, нуно шке улмыштым палдарышт.

Чаманаш логалеш, шуко калык кокла гыч шочмо калыкын чонеш пижше семже ыш йонгалт, чатката капан, ош тувыран удыр-рвезе-влакын куштымыштым ужаш ыш перне. Мутлан, яндар йӱкан мотор марий ӱдырын кусле шоктымо почеш мурымыжо концерт программым сылнештарен кертеш ыле. Тыгай увер марий шӱлышан-влакым ончыкылыклан шонаш тарата, ӱшанен кодам.

Кум шагат шуйнышо концерт деч вара Эстонийын культур министрже Лайне Янес «Вайнемуйнен» вес пӧлемыштыже тӱрлӧ калыкын мер органызаций вуйлатышыштым да еҥыштым ӱжын. Мемнан марий кокла гыч коктын лийыч. Тиде вашлиймаш «Тарту марий-влак ушемналан» ончыко каяшлан у йӧным пуыш.

Валентина Семенова
Артикльым возымо годым DzD.ee да Rosbalt.ru-н материалжым кучылтмо

Фото авторын

Оставьте комментарий

Filed under Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s