Monthly Archives: Август 2010

Венгр Кугыжанышым ушештарымек, ушыш мо эн ончыч возеш? Очыни, венгр кочкыш гуляш… Ала венгр муро да куштымаш? Балатон ер? Тиде чынжымак тыге. А эн кугу поянлыкше лач венгр калыкше огыл мо?

Родо-тукым калык дене чакрак палыме лияш черетан «Хунгарологий» кеҥеж университет йӧным ыштыш. Ынде икмыняр ий почела финн-угор калыкын ӱдыр-эргыже-влак Бадачоньтомай канымверыште погынат. Читать далее →

Че Гевара, тол токына!

Эй, Че Гевара, токына тол!
Мотоциклым кышкыж
Кырык сир мыч кыдалына –
паштекнӓ пырак веле шагал кодшы
Йыл тӹрӹштӹ олак вӓрӹм мон
тылотым олтенӓ, колым кыченӓ
шӹкш тотан тотлы коллемӹм шолтенӓ
качмына годым кыце тӹнь
ирӹк верц кредӓлӹнӓт – шайыштал.
Эй, Че Гевара, токына тол дӓ гитаретӹм нӓлӹн
ирӹк гишӓн мӓлӓннӓ мыралты! Читать далее →

Марий книга савыктыш у книгам темла. Тиде — лудшын пагалымашыжым сулен налше да сылнымутышто шкенжын ойыртемалтше корныжым тошкышо серызе Геннадий Алексеевын «Куку муро ойган» повесть ден ойлымаш-влак погыжо.

Геннадий Валерианович Алексеев тений 17-ше пургыжын 55 ияш лÿмгечыжым палемдыш. Тудо Морко районысо Эҥерсола ялыште кресаньык ешеш шочын-кушкын. Йошкар-Оласе 1-ше номеран музык-сÿретче школ-интернат да Октябрьский кыдалаш школ деч вара МарКУ-н историй да йылмышанче факультетшым тунем лектын. Читать далее →

29-шӹ июльын Салымсолашты Никон Игнатьев лӹмӓн сӹлнӹшая музейӹштӹ ик кечӓш семинар эртен, кышты туан халыкнан овуцажы, культурыжы, сӹлнӹшаяжы дӓ толшашыжы гишӓн хытырымы.

Ти семинарыш кырык мары культурым анзыкыла виӓнгдӹшӹ эдемвлӓ, педагогвлӓ, студентвлӓ дон школышты тыменьшӹвлӓ погыненӹт. Хына семӹнь семинарыш Мары Эл Республикӹн пӹтӓриш президентшӹ Владислав Зотин толын. Читать далее →

Марий Элыште да Финляндийыште ӱмаште вийым налше «Кок мургорно кок сӱрет» проект нерген шуко каласкалыме. Эртыше кечылаште ты проект у йогыным почын. Марий Эл гыч поэт ден сӱретче-влак: Альбертина Иванова, Зоя Дудина, Юрий Таныгин, Сергей Таныгин Хельсинкиш каеныт. Делегацийым Марий Эл тӱвыра, печать да калык-влак кокалште паша шотышто министрын алмаштышыже Галина Ширяева вуйлата. Финляндий могырым ты проектышке сӱретче-влак Тиити Менделин, Туула Николайнен, Катя Йухола , поэт-влак Сиркка Туркка, Й.К.Ихалайнен ушненыт. Нунын коклаште кылым пеҥгыдемдымаште кугу полышым философий доктор Софья Манаева-Чеснокова пуа. Читать далее →

Кузерак вара Нонай ял (Малый Шаплак) марий калык Россий президент Дмитрий Медведевым вашлияш ямдылалтын «Марий Эл увер аршаш» каласкала:

Налмывер: TheVinokurov

31 сӱремын «Марий Эл радио» 5-ияш лÿмгечыжым палемден. «Строитель» стадионышто 5 тÿжем утла еҥ погынен.

Концертыш толшо марийжат, рушыжат, суасшат марий сем почеш мурен, куштен, мурызо да радиовÿдышö-влакым куан кумыл дене вашлийын. А «Марий Эл Радион» уста коллективше шочмо калыкшылан пöлекым ыштен. Читать далее →