25 октябрьыште Мэр Каҥашын кокымшо пленумжо эрташ тӱҥалеш.
Паша кышкар почеш кандаш тӱҥ йодышым рашемдаш палемдыме. Тиде V финн-угор калыкын конгрессын лектышыж нерген палдарымаш, VIII Марий погынын резолюцийжым илышыш пуртымо дене могай мероприятий-влакым радамлымым шергалаш, тыгак Мер Каҥашын 2009 ийлан паша радамжым пеҥгыдемдаш.
Тыгак йодыш «Марий Сандалык» журнал нергенат лектеш. Каласыман, ты журнал пленум годым 36 делегатын кидыштыже лийшаш. А тора кундемыште илыше марий–влаклан ты журналым ноябрь тылзыште намиен шуктышаш улыт.
Пленум годым марий калык погын эртыме нерген 40 минутан видефильмым ончыктат.
Пленум тӱвыра программа дене иктешлалтеш.
Налмывер: Mari-el.name
Фотосӱретыште Мер Каҥашын у вуйлатышыже Лариса Яковлева да Марий Эл культур министр Михаил Васютин.
MariUver 