Тартушто финн-угор литератур дене лишкырак палыме лийыныт (ФОТО)

13 гыч 19 октябрь марте Эстонийыште Родо-тукым кече-влакым палемденыт. Нине кечылаш тыгак финн-угор сылнымутшанчызе-влакым ӱжмӧ ыле. Литературовед-влак Таллинныште родо-тукым сылнымут дене палдареныт. Тыгак нуно 17 октябрьын Тартушто выступатленыт. Тушто эртыше мероприятий-влак гыч фоторепортажым темлена.

Кечывалым сылнымутшанчызе-влак Тарту университетыште финн-угор литератур-влак нерген каласкаленыт. Уна-влакым урал йылме да хунгарологий доцент, философий доктор Тыну Сейленталь (Tõnu Seilenthal) вашлийын. Тудак Эстонийсе Родо-тукым калык-влак программым, Пауль Аристэ рӱдерым вуйлата да «Фенно-Угриа» ушем вуйвер вуйлатышын алмаштышыже улеш.


Россий гыч толшо литературовед-влак дене эстон серыше, Финн-Угор сылнымут ассоциацийын президентше Арво Валтон (Arvo Valton) палдарен.

Ончыч Одо кугыжаныш кӱшылшколын удмурт йылмышанче факаультетын деканже, одо литератур кафедрын доцентше Любовь Фёдорова удмурт сылнымут нерген ойлен.

Виктор Шибанов одо литературышто этнофутуризм нерген каласкален.


Толшо калык уна-влакым тӱткын колыштын. Колыштшо-влак коклаште этнофутуризм толкынлан негызым пыштыше, «Фенно-Угриа» ушем вуйверын еҥже Андрес Хейнапуу (Andres Heinapuu) лийын (шеҥгелне лукышто, ужар свитер дене).


Вара коми сылнымутшанчызе, Эстонийысе Родо-тукым калык-влак программын Литератур премийжым налше, Татьяна Кузнецова коми сылнымут дене палдарен.


Валентин Колумб да тудын лӱмжым нумалше рӱдер-тоштерын лукмо книга-влак нерген музейым вуйлатыше, писатель, кусарыше, марий Оньыжа Лайд Шемйэр (Владимир Козлов) ойлен.


Тачысе марий литератур дене литературовед Леонид Бурков палдарен.


Финн-угор шанчызе-влакым колышташ тыгак Францийыште шочын-кушшо, Тартушто илыше, финн-угор литературым шымлыше Эва Тулуз (Eva Toulouze) толын (пурлаште).


Кастеным Тарту Серыше-влак Пӧртыштӧ хант писатель Еремей Айпинын «Юмынава вӱран лумышто» романжын презентацийже эртен. Романым эстон йылмыш кумдан палыме сылнымутчо Пээтер Волконский кусарен. Касым Арво Валтон почын.

Финн-угор сылнымутшанчызе-влакым Эстонийыш ӱжмӧ нерген проектым Таллинныште тунемше одо поэтесса Муш Нади (Надежда Пчеловодова) возен (пурлаште, йошкар кудыр ӱпан).

Оксам проектлан Эстонийысе Родо-тукым калык-влак программе ойырен. Родо-тукым кече-влакым Эстонийыште кажне ийын парышдыме ушем «Фенно-Угриа Тӧнеж» эртара.

MariUver

Фотосӱрет-влакым кугемдашлан темдал.

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s