Йошкар-Олаште эртыше финн-угор серызе-влакын Х тӱнямбал конгрессышт вашеш Ээстиште индеш книгам савыктен лукмо.
Книга-влакым савыкташлан оксам Эстонийысе родо-тукым калык-влак программе ойырен.
Кандаш почеламут погым лукмо: коми Ангелина Ефимова да Баяр Любан «Кайык-влак огыт шылтале», одо Люза Бадретдинован «Шӱмыш корно», Лариса Марданован «Йомын коштмаш» да Зинаида Рябинан «Латкок сӱрет», марий Татьяна Пчелкинан «Ныжыл лийын толам» да Альбертина Иванован «Соло скрипкалан соната», мокша Марина Агееван «Кушто Юмо ила…» да эрзя Мария Ерёминан «Волгыдо».
Почеламут книга-влакым ныл йылме дене лукмо: шочмо, эстон, руш да англичан. Чыла кандаш проектым Финн-угор серызе-влак ассоциацийын президентше да эстон сылнымутчо Арво Валтон возен, тудак почеламут-влакым эстон йылмыш кусарен.
Тыгак Родо-тукым программын оксаж дене курык марла Вийви Луйкын “Шӹмшӹ тыр шошым” романжым савыктыме, эстон йылме гыч Валерий Аликов кусарен.
MariUver
Сӱретыште: Л.Морданован «Йомын коштмаш» да М.Ерёминан «Волгыдо» книган комжо.
MariUver 