Налмывер: «Марий Эл» КТРК
2010 ийысе Родо-тукым кечым порын шарналтен
2010 ийыште Эстонийыште шыжа тылзын 13 кечыж гыч 16 марте Родо-тукым кече-влак эртеныт. Унала марий «Кӱсер» ансамбль толын ыле. Таллиннысе пайрем касын ик мотор татшым ончалаш темлена. Тушто те Галина Киселева, Алексей Григорьев да Алексей Алексеевым ужыда.
Видеом Алексей Алексеев келыштерен
Filed under Видео, Марий муро, Музык
Индеш ияш алаша
Алексей Алексеев ачажын Геннедий Алексеевын мурымо «Индеш ияш алаша» Морко вел сӱан мурылан видеклипым темла. Семже Г.Алексеевын.
Налмывер: avmeedia
Filed under Видео, Марий муро, Музык
Онаeҥ Петр Трофимович Свистуновым шарнен…
Свистунов Петр Трофимович
4 июльышто 82 ияш тале марий онаеҥ Свистунов Петр Трофимовичын шӱмжӧ кырымым чарнен. Пытартыш кечылажым тудо шке ӱдыржӧ пелен Оршанке район Аппак ялыште илен. Марий йӱлам Киров кундем Никулят ялыште шуктен шоген. Марий онаеҥ-влак лишыл родо-тукымжылан да пошкудыжлан чаманымашым каласат.
Шочынаван ешыжлан кумалше Петр Трофимович Свистунов
Петр Трофимович Свистунов 1931 ий 3 апрельыште Киров кундемысе Лӱметлем ялыште шочын. Ик ияш ача деч посна кодын. Аважат, Анна Антоновна Фурзенова, Лӱметлем ялынак. Кугыжан кучем годым кочажын, Николай Игнатьевичын, ешыже уланлан шотлалтын. Коваже, Василиса (Солабеляк ӱдыр), Яраҥ кундемыште тунамсе пагытлан поян Герасимын ӱдыржӧ лийын. Совет власть Игнатий кочажым йорло радамыш луктын. Читать далее
Filed under Артикль-влак
MariUver 