Category Archives: Увер-влак

Марий кугыжаныш университетын Финно-угроведений институтыштыжо Марий талешке кечылан пӧлеклалтше сылнымутан да семан композиций эртен.

Ты жапыштак студент-влакын шанче-практик конференцийышт лийын. Студент-влак, талешке-шамыч нерген возымо произведений-влакым шымлен, концерт деч ончыч пленар заседанийым эртареныт. Читать далее →

Калыкын йодмышт почеш «Марий кас» 14 да 28 агаште «Автодор» тӱвыра полатыште 18.00 шагатлaн тӱҥалеш.

Гармонь да тӱмыр, тӱрлӧ ийласе руш да марий эстраде муро-влак, оҥай модыш-влак кумылдам вӱчкат.

«Марий касым» вӱдышӧ Лариса Сидоркина шке сылне у мурыжо-влакым йоҥгалтараш тӱҥалеш. А мыскараче Сергуш толшо-влак дене мыскара такмак-влак конкурсым эртара. Эн чолга-влаклан тудо пӧлекым ямдылен. Читать далее →

Таче Йошкар-Олан Чарласе кремыльыштыже гармонь почеш кушталташ кумылан-влак чумыргат.

Ончычсо Марий парк олмышто Марий каныме кас лиеш. Программыште марий муро, куштымаш да марий калык модыш.

Марий паркым шарналтен, мероприятийым «ВийАр» марий самырык ушем эртара. Читать далее →

Таче, Йошкар-Олаште, Марий тÿвыра рÿдерыште Колумб лудмаш эртен.

Тушко Валентин Колумбын почеламутшым, тудын нерген возымым йоҥгалтарыше еҥ-влак погыненыт.

Сеҥыше-влакым тÿрлö иготан тÿшкаште палемдыме, увертара «Марий Эл Радио».

Ушештарена, тений ага тылзын 3-шо кечыжын лÿмлö марий почеламутчылан 75 ий темеш. Садлан кöра, Марий Элыште тиде ий «Колумбын ийже» семын увертаралтын. Читать далее →

Тарту, 2010 ий 23 вÿдшор

16 ш. Эстон Калык Музейын ончер пöртыштыжö (Kuperjanovi 9)

• Шарнымаш сортам чÿктымаш
• Марий талешке кече нерген
• Алексей Алексеевын Пошкырт марий-влак нерген «Карш» чынилышкиножо
• «Канде кава» эрвел марий ансамбль мура да кушта
• Урал марий-влак нерген фотоончер

18 ш. Эстонийысе ингерманландец-влак ушемын пöртыштыжö (Veski 35) Читать далее →

19-24 пеледышыште (июньышто) Марий Элыште У Роҥго* районышто 2-шо Пÿтыньрушэлысе* марий самырыктукым слет эрташ тӱҥалеш.

Темыже туныктышо идалык дене кылдалтын. Тений слетыш толаш шонышо-влаклан «Молан мый слётышто лийшаш улам» лÿман изи эссем возыман да тыгай электрон адрессыш колтыман: 2mari_slet@mail.ru. Тыгак зявкымат тичмаш возен колтыза. Читать далее →

9-12 мартыште Марий кугыжаныш университетын финн-угроведений институтыштыжо марий йылме да сылнымут арня эрта.

Тудо Марий Эл Республикын 90 ияш лÿмгечыжлан, Туныктышын идалыкшылан, тÿнямбалне палыме марий поэт Валенин Колымбын шочмыжлан 75 ий да совет калыкын Кугу Авамланде сарыште Сеҥымыжлан 65 ий теммылан пöлеклалтеш. Читать далее →

Франций тÿвыра министерствын пашаеҥже Винсент Лоренцини (Vincent Lorenzini) шукерте огыл Тартуш марий-влак дене вашлияш толын каен.

Тудо Парижыште финн-угор йылме-влакым шымла да марий йылмым тунемеш. Тыгак Винсент Алхо Алхониемин «Марий грамматикыжым» финн гыч француз йылмыш кусара. Читать далее →

М.Шкетан лÿмеш театрын артист-шамычше Озаҥысе Авиастроитель районысо Ленин лӱмеш тÿвыра полатыште «Шешке-шемгишке» комедийым модын ончыктеныт. Татарстан марий-влак спектакльым ончаш рӱжге погыненыт.

Тиде вашлиймашын эртарен колташ полшышо-влак кокла гыч иктыже, Сар-историй академийын еҥ-корреспондентше Р.Бушков каласыш: Читать далее →