2 июньышто Свердловск область, Арти районысо Ондрий Ялыште (Андраулышто) кугу пайрем эртен. Тыште верысе калык да уна-влак марий писатель Алексей Эрыканын шочмыжлан 100 ияш лӱмгечыжым палемденыт.
Тудо марий лудшо-влаклан «Кучедалме тулеш» (1958), «Чолпан Иван» (1966) романже-влак, «Фронтовик-влак» повесть да ойлымаш сборникше дене сайын палыме. Читать далее
Filed under Увер-влак
2 июньышто Таир ер воктенсе «Журавушка» йоча рӱдерыште юнкор слёт почылтын.
Тудым Марий Эл Тӱвыра, печать да калык-влакын пашашт шотышто министерствын, Кастрен ушемын полшымышт дене «Ямде лий» газет редакций эртара. Ий еда увертаралтше юнкор вашлиймаш шочмо калыкланна ончыкылык журналистым, йылмызым, сылнымут пашаеҥым — тыглай каласаш гын, чолга марий айдемым куштымаште кумда верым айла. Читать далее
Filed under Увер-влак
Кодшо шуматкечын Марий Элын Медведево районыштыжо Пеледыш пайрем гӱжлен. Тидын нерген Медведево гимназийын фоторепортажше. Читать далее
Тений 8 гыч 13 июль марте У Торъял районысо Токтарсолаште НЫЛЫМШЕ МАРИЙ САМЫРЫКТУКЫМ СЛЁТ эрташ тӱҥалеш.
Организатор-влак: Марий Эл Республикын туныктыш да шанче министерствыже, Марий Эл Республикын тӱвыра, печать да калык-влак пашашт шотышто министерствыже, Мер Каҥаш. Читать далее
Filed under Увер-влак
Шошым, мланде паша тӱҥалме деч ончыч але тудым мучашлымеке, марий ялыште Агавайремым эртарат. Марий-влак Агавайрем отышко лектын, Агавайрем юмо деч сай игечым, жапыштыже йӱрым, умен шочшо шурным йодыт. Тений Марий Элыште Агавайремышке тыгай кечылаште лектыт: Читать далее
Filed under Увер-влак
27 майыште 10 шагатлан Йошкар-Оласе Пӱнчер отын Тумер аланыштыже Агавайрем лиеш.
Тиде ганат тудым «Марий ушем», «ВийАр» да «У вий» ушем-влак эртарат. Яндар кап-кыл, ош вургем, туара-салмавуш да шере шорва, тичмаш шыште сорта дене уло марий калыкым Юмо деке лишемаш ӱжына.
Йодыш-влакым (+7-8362) 931 939, 443 508, 466 611 телефон-влак дене рашемден кертыда, возат организатор-влак. Читать далее
Filed under Увер-влак
«ВийАр» тӱвыра кыл ушем Марий Эл Республикын культур, печать да калык-влакын пашашт шотышто министерствын полшымыж дене 17 майыште «Чарла Кремль» тӱвыра да историй комплексыште нылымше гана «Мый марла ойлем!» конкурс-акцийым эртара.
Тылеч ончыч тудо Марий талешке кечын 26 апрельыште эртен. Тений тудо вес тӱсым налын. Кок этап дене эрташ тӱҥалеш. Читать далее
Filed under Увер-влак
Вӱдшор тылзын 19-20 кечынже Йошкар-Олаште марий калыкын черетан IX погынжо эртен. Тидын нерген «Марий Эл ТВ»-н видеосюетшым темлена:
Налмывер: tvregion12
MariUver 