Акпатыр марийым иктыш чумыра

Сорла тылзын 4-ше кечынже Киров область Малмыж район Кугу Кетек ялыште Акпатыр онлан пӧлеклалтше кумалтыш эртен.

Акпатыр онлан вуйым савен кумалмашке теният пеш шукын чумыргеныт. Тиде верым кумдан чапландарыше Валерий Соловьевын ош тӱня дене чеверласымыжлан тений октябрь мучаште ныл ий лиеш. Изаштын, землякыштын, йолташыштын тӱҥалме суапле пашажым шуяш мутым пуышо-влак Акпатыр онлан вуйым саваш чумыр марий калыклан чыла йӧным ыштеныт.

Пайремле ужашыште ик еҥ веле огыл палемдыш: Акпатыр онлан пӧлеклалтше кече – марий-влакым иктыш чумырышо, моло калык дене келшымаш кылым пеҥгыдемдыше пайрем. Марий Акпатырым татар еш ашнаш налын улмаш. Сандене тудо татар йылмымат сайын пален, марий йӱлаже верч пеҥгыдын шоген, моло калык дене келшен илен моштен. Таклан огыл «эмлыше, паремдыше» лӱмым нумалше он деке марий веле огыл, рушыжат, татаржат, одыжат коштыт. А марий тӱнян вий-куатшым тыште Киров, Марий Эл, Татарстан, Пошкырт кундемла гыч толшо делегаций-влак ончыктеныт.

Малмыж районысо Кугу Кетек школын директоржо Евгений Поткин тиде кечын кӱлешлыкшым теве эше кушто ужеш: ийготым погышыжо шоҥгемеш, а тӱрлӧ вере илыше самырык тукым икте-весым палыже, икте-весылан эҥертыже манын тыршыман.

Пошкырт кундемысе «Чолман» газетын тӱҥ редакторжо Игорь Губаев манмыла, тышке толын кайымыжак мом шога! Тыгаяк шонымаш дене авалталтын Татарстанысе Кукмор район гыч Л.Искаков: «Толын кайымеке, вийкуат пура, тазалык пеҥгыдемеш».

Киров областьысе Кикнур районын ял озанлык управленийжым вуйлатыше, Мер Каҥашын еҥже А.Кудрявцев «Тиде вер мемнам уша, илаш полша» манын, мланде пашам ыштыше калыклан кинде-шинчал дене илаш тыланыш.

Светлана Пехметова

В.Зайцевын фотожо: пайремле ужаш годым; уна-влакым мелна кышыл дене вашлийыт

Налмывер: «Марий Эл» жаплышташ

3 комментария

Filed under Увер-влак

3 responses to “Акпатыр марийым иктыш чумыра

    • Тау ужынам, лудынам. Тушто пайрем лийшаш ман сералтын. Мый лач кузе эртен ман уверым кычальым. Йӧра Светлана Пехметова «Марий Элыште» возен 🙂

  1. Вачис

    Действительно, Честь и Слава Валерию Аркадьевичу Соловьеву. Я с ним неоднократно встречался на разных мероприятиях и даже успел подружиться. Жалко, что преждевременная его смерть прервала нашу дружбу. Узьмакыште лийже. Я вот до сих пор не могу понять, почему возле могилы Акпатыра запрещают хоронить язычников. Хоронят только православных. Акпатыр, как я понимаю, стоял за нашу языческую веру. И Акпатыр был похоронен по языческим обычаям.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s