Category Archives: Видео

«Эрвел марий» ансамбльлан 20 ий темеш. Тидын нерген «Марий Эл ТВ»-н видеосюжетшым темлена:

Налмывер: http://video.vmariel.ru

Айдеме воштылде илышаш огыл! Мыскара кумылан еҥын ӱмыржат кужу лиеш. Очыни, айдеме шке илышыштыже кочо да неле пагытла дене ынже кӱэмалт манынак, 1 апрельым Воштылмаш кечыш савыреныт. Ты кечын кеч-мыняр еҥым порын ондалаш, мыскарам ыштышыла, тупела ойлышташ, ӱнар пытымеш воштылташ да шкежат шинчавӱд лекмеш утен каен воштылаш лиеш. Читать далее →

Тӱп-тӱп тӱмырет,
Риа-риа шӱвырет,
Сылне семже йоҥгалтеш,
Тӱня мучко шергылтеш.

Сылне марий сем эртыше шуматкечын тӱня мучко огыл гынат, Йыван Палантай лӱмеш тӱвыра ден сымыктыш колледжын Йошкар-Оласе Пушкин уремыште верланыше пӧртыштыжӧ кумдан йоҥгалте. Читать далее →

Шошо толмым шижнет — Ӱярня пайремыш лек

Тыгай кумыл дене авалталташ кодшо шуматкечын калык Йошкар-Оласе Рӱдö культура да каныме паркыш чумырген.

Пайремым Марий тӱвыра рӱдер Йошкар-Олаште ынде луымшо гана эртарен. Тиде гана — ялт окса деч посна. Туге гынат йӱла ойыртемым шижаш чыла йöн лийын. Читать далее →