Ӱярня пайремна юарлен эртен (ВИДЕО)

Шошо толмым шижнет — Ӱярня пайремыш лек

ujarnja_melnaТыгай кумыл дене авалталташ кодшо шуматкечын калык Йошкар-Оласе Рӱдö культура да каныме паркыш чумырген.

Пайремым Марий тӱвыра рӱдер Йошкар-Олаште ынде луымшо гана эртарен. Тиде гана — ялт окса деч посна. Туге гынат йӱла ойыртемым шижаш чыла йöн лийын.

Теве «Ош Виче» землячество эрвел марий-влакын илышышт гыч оҥай сӱретым ончыктыш. Марлан кайыме деч вара ик тылзе гыч ӱдырым шочмо суртышкыжо икымше гана унала конденыт. Тидыжым лачак Ӱярня арняште ыштеныт.

Ӱстел коклаш шичмеке, суртоза Юмым пелешта. Самырык вате-марий ӱдырын ача-аважлан, родо-тукымжылан вургемым чикта. У родо-влакым ялысе кажне сурт унам ышташ вашка. Тидлан нуно черетым ыштат, мӱндыр родо-влакым кок кече пукшен-йӱктат. Тыге ял калык качымарийын койышыжымат эскера. Южгунамже унала толшо-влак 20-30 суртышто лийыт. Тыгай йӱлам эрвел марий-влак кызытат кучен шогат.

ujarnja_kurchak_julaltymashОзавате у родо-влакым пелештен-пелештен сийла. Тыгутлаште эр эрдене таве гыч вӱдым кондымыж годым эртарыме йӱлаж денат палдара. Ӱярня жапыште курык гыч кум гана мунчалтен волыман. Тунам чыла черым, осалым почкалтарен колтет.

Койышланыме койышышт дене кумылым поснак Параньга районысо Ондропсола ял гыч «Поро кас» калык ансамбль­ын качыже-влак нальыч. Коеш, ялысе чолга марий-влак йорга койышыштым калыкыште ончыктен пытарен огытыл. Муро-куштымашышт дене саламлаш тыгак Куженер районысо Йӱледӱр, Токтайбеляк кундемласе фольклор, Медведево район гыч «Арбан пеледыш» ансамбль-влак толыныт.

Самырык мер толкынын ӱдыр-рвезыже-влак тӱрлö таҥасымашым, конкурсым эртареныт. Йол курык гыч мунчалтен волаш лӱмынак вара-влакат лийыныт. Кö Ӱярня пайрем шотым куча гын, тудо курык гыч волыде огеш чыте. Мучашлан, Юмым пелештымеке (тидыжым Куженер район гыч онаеҥ В.Актуганов ыштен), Ӱярня кувам йӱлалтеныт.

Ӱярня нерген «Марий Эл ТВ»-н видеосюжетше:

Ӱярня пайрем нерген рашрак >>

Светлана Пехметова

Текстым да фотосӱрет-влакым «Марий Эл» газет да видеом  video.vmariel.ru гыч налме

Оставьте комментарий

Filed under Видео

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s