да у вуйверым сайлен
Пеледыш тылзын 11-ше кечынже «Fenno-Ugria тӧнеж» парышдыме ушемын тӱшка погынымашыже лийын. Тушто 2024 ийлан паша иктешлымашым ыштеныт да правленийын у составшым ойыреныт.
Погынышо-влак организацийын экономике отчётшым да 2024 ийыште ыштыме пашаж нерген иктешлымашым пеҥгыдемденыт.
Тӱҥ пунчал кокла гыч иктыже у вуйверым сайлымаш лийын. Тушко Мадис Арукаськ, Свен-Эрик Соосаар, Тыну Сейленталь (Tõnu Seilenthal), Анти Лиллак да Айвар Руукель пуреныт.
Погынымашын вуйлатышыже да правлений вуйлатышын алмаштышыже, йылмызе Свен-Эрик Соосаар, УНО-н Тӱп калык-влак шотышто форумышко миен толмыж нерген каласкален.
Каҥашъеҥ Яак Прозес 2027 ийыште эртаралтше «Фенно-Угрийын» шӱдӧ ияш лӱмгечыжым пайремлымашлан ямдылалтме темым нӧлталын.
Вашлиймашын мучашыштыже редактор Кристи Кинго организацийын Soome-ugri sõlmed 2024 («Финн-угор кыл 2024») лӱман ий еда лекше савыктышыж дене палдарен.
Fenno-Ugria asutuse üldkoosolek kiitis heaks 2024. aasta tegevuse ja valis uue juhatuse
MariUver
Фото: Fenno-Ugria
УНО (Ушнышо Наций-влакын Организацийышт) – ООН,
каҥашъеҥ – советник
MariUver 